1 Kata Koolent 12:3 - Jola-Kasa

³ Wahawu unwu újimuu, lifañe min jihaas kaanaku anoowan álobume li Buyinumabu bata Ateemit, ayilaat aan: «Katek kujow kulako li Yéesu!» Ban an foof ayilaat aan: «Yéesu ammuu Amaaŋenawu!» akila bálobumuloot mó li Buyinumabu Banabaabu.

1 Kata Koolent 12:3 Referencias Cruzadas

Máciya 22:43

Yéesu li aaniil: — Kama buu kaane Dayit, li búkaanum bata Buyinumabu Banabaabu, li ahooñ Kilisita Amaaŋen? Mata Dayit lansaan:

Maak 9:39

Yéesu li aaniil: — Jooteenut jíhilool ákaanum mó; mata bajut an ayilo aŋa’ kajawaku kúmbaam min akaan wah wájaahaleniye aban li ayaan áfulum tó li alob majakut aya lí ínje.

Hulimahu Hásuumaahu loon Saŋ akiic homuu 13:13

Jihooñewonhooñ «Aliikena», li jihooñom foof «Anahaan», ban mal̥egen jikooŋe, mata ínje Aliikena, ínje Anahaan.

Hulimahu Hásuumaahu loon Saŋ akiic homuu 13:14

Kama ínje ammuu Anahaanawu li Aliikenaawu ifosuulumuu koot, bukuluul foof joote jifosoo koot.

Hulimahu Hásuumaahu loon Saŋ akiic homuu 15:26

«Anattenaawu fan abil. Okila ammuu Buyinumabu báhiisemuu bukanabuku mal̥egenamu, babilummuu li Atuubaawu. Fan íboñumuluul ó’ bata Atuubaawu, ban okila humumool fan alob bukanabuku múmbaam.

Bakaanelabu 8:37

Fílib li aanool: — Uyínenumuu li buyinumi feh, luyilo úbatiiseyi. Anáyinaawu li aanool: — Líyinene een Yéesu Kilisita ammuu Añiilawu ata Ateemit.]

Kata Lom 10:9

Ulobumuu li butumi hákil ésukayi kaanaku Yéesu ammuu Amaaŋenawu, ban li úyinen li buyinumi feh kaanaku Ateemit layitenumulooyitenul li eketayi, fan ufak.

Kata Lom 9:3

Nokoomuu loon li ñúmbaam bale, Ateemit li ahoyom ínje humumom, min ígaatulooli li Kilisita mantee kutuyom li kufak, buko kammuu kusuwif loon ínje.

1 Kata Koolent 16:22

An afañutumuu Amaaŋenawu, anawu ummu katek kujow kulako li akila. Maalanata — Ubil, Amaaŋen óololi!

1 Kata Koolent 8:6

bale li alolaal, Ateemit ano bale abaje. Okila ammuu Atuubaawu, áwuwenumuu wahoowah feh, ban li uloŋaal boot li akila. Li baj foof Amaaŋen ano bale. Okila ammuu Yéesu Kilisita, an wahoowah feh úwuwenumimuu li akila, ban li úloŋumaal li akila.

2 Kata Koolent 11:4

Li mal̥egenamu, bukuluul jonsoon éehe’ min kukee kuyaan kubil kúliiŋul li kuwaalewuul mata Yéesu akee ábuto li an áloli jiwaalewuulumuu, mantee foof li jiyab buyinum bakee bábuto li ban jiyab nomuu, mantee foof li jíyinen li hulim hakee hásuume hábuto li han áloli jiwaalewuulumuu.

2 Kata Koolent 3:5

Alóli bajut wah wan jiyilo joon áloli húmumoli jikaan wo li sémbewoli, bale Ateemit ákaanoli min jiyili jikaan wahawu wan jikaanemuu.

Kata Galasi 3:13

Kilisita lahahhal min afakenolaal li katekaku kabilummuu li eluwaayi, min akila humumool aŋa’ katekaku kan alolaal ooteenaalumuu ubajaal. Li mal̥egenamu, kikkiic kaanaku: «Anoowan aleeyi li hunuk ajow ayok aket to, labaje Katek.»

Búhiisenumabu 1:10

Li líiŋ li hunakahu hata Amaaŋenawu, Buyinumabu Banabaabu li bujokom. Muñeˈe li ijam kata búsolom hulim habaje sembe, hanokoole loon kal̥ok kata kasiin.