1 Kata Koolent 12:12 - Jola-Kasa

¹² Li mal̥egenamu, eniil hugumb hano yoom, maayeet min ekite ebajumuu ugeb wameeŋe, ban maayeet min ugebawu wata yo umeeŋumuu, bale wo feh eniil yano woom. Mo foof Kilisita anokoomuu.

1 Kata Koolent 12:12 Referencias Cruzadas

1 Kata Koolent 10:17

Húmbuulu hano bale hubaje, ban maayeet min kite eenimuu lumeeŋaameeŋ, bale eniil yano loomaal, mata alolaal foofolaal feh lutokoñaatokoñ li húmbuuluwahu hanolahu.

1 Kata Koolent 12:20

Mó mújimuu baje ugeb wameeŋe, bale eniil yano.

1 Kata Koolent 12:27

Bukuluul foofuul feh, bukuluul jommuu eniilayi yata Kilisita, ban anoowan li bukuluul bugeb bata eniilayi inyu laam.

1 Kata Koolent 12:7

Buyinumabu Banabaabu bubaje buu búlokumemuu li anoowan, li káji boot li majakaamu mata bukanabuku feh.

Kata Galasi 3:16

Imban, muñowu foof Ateemit alobumuu kasen wah Abulaham li anawu an ammuu li abuk. Bakiicelabu boonut: «li bukanabuku kan ammuu li abuk», loon eenimuu bukan kameeŋe; bale bonsoon: «li anawu ammuu li abil alako», min lako an ano, ammuu Kilisita.

Kata Efées 1:23

Ejanguwayi yo yommuu eniilayi yata Kilisita. Buloŋabu bata Kilisita li Ejanguwayi boom li kabane. Okila asenemuu buloŋ wahoowah feh wáami tanootan.

Kata Efées 4:12

Lakankaan loon muñaˈa min afale bukanabuku kata Ateemit boot bulok boot li akila, mantee ejanguwayi yammuu eniilayi yoola li eyili yank min ebaj sembe.

Kata Efées 4:4

Alolaal jáyinenaamuu lunokoolaanokoo loon eniil yano ban baje Buyinum bano Banabe, mo foof bajumuu kákangum kano kan Ateemit ahooñuulumuu boot.

Kata Efées 5:23

Mata ánayinaawu okila ammuu anahaanawu ata anaalaawu, loon Kilisita ammuu húkowahu hata Ejanguwayi. Akila ammuu li mal̥egen Afakenaawu ata Ejanguwayi yáamimuu eniilayi yoola.

Kata Efées 5:30

mata ololaal foofolaal feh oomaalumuu eniilayi yoola.

Kata Kolos 1:18

Okila ammuu húkowahu hata eniilayi yáamimuu Ejanguwayi; okila ammuu húkitumahu, okila ajandumuu ayitowumul li eketayi, bájum li ahaŋ wahoowah feh.

Kata Kolos 1:24

Muneˈe kaanonkaan ésuumansuum min eenomee li sílaam boot li bukuluul, ban wahawu wasaŋomuu li sílaamasu sata Kilisita, li ihabel wo ílaam li eniilom boot mata eniilayi yoola yammuu Ejanguwayi.

Kata Kolos 2:19

Kujokut li Kilisita ammuu húkowahu hata Ejanguwayi. Li mal̥egenamu, Kilisita ájimuu eniilayi foof yo feh li ékuumeni, ban li éjokoolum li síŋullumasu sata yo li kuŋawaku foof kata yo, min yank loon Ateemit afañumuu.

Kata Kolos 3:15

Kásuumaayaku kata Kilisita kulako li uyinumawu wooluul li sembe. Kásuumaayaku unku kújimuu Ateemit li ahooñuluul boot min jilako an ano. Naak jisalool nanoonan.