1 Kata Koolent 11:5 - Jola-Kasa

⁵ Li bil nokoo loon anaale ásoolowut akila li kal̥aw mantee foof li elob ésukayi hulim han Ateemit asenool, anaalaawu ummu lasuuwensuuwen áyinool. Lanokoonokoo li anaale awuulowe.

1 Kata Koolent 11:5 Referencias Cruzadas

Hulimahu Hásuumaahu loon Lík akiic homuu 2:36

Li baj no foof afulofet anaale. Kajawool Aana. Aana alakomuu ásungutaawu ata Fanuwel, li ebukiinayi yata Aseel. Lahallenhanlen ŋáa’. Lakine li áyinool ayaboomuu akila ásungutaawu, simit soono hutok li síl̥uba.

Bakaanelabu 2:17

«Ateemit laane wahawu unwe wommuu li ubaj li kunakaku kúbanumaku: fan iŋa’ li Buyinumabu búmbaam ikaan li bukanabuku feh. Fan ílobum li kuñooluul káyine, li kuñooluul kaale. Injé Ateemit fan íhiis mal̥egenamu múmbaam kuñooluul kátit. Ban siñaakanasu sooluul, fan síhaasum mal̥egenamu múmbaam li sísaahut.

Bakaanelabu 21:9

Li abaj básungute bubakii bahaasut kánayine, ban Ateemit anaake álobum li buko.

1 Kata Koolent 11:4

Anáyine áhimenumuu húkowool akila li kal̥aw mantee foof akila li elob ésukayi hulim han Ateemit asenool, ánayinaawu ummu lasuuwensuuwen Kilisita.

1 Kata Koolent 11:6

Kaanumuu loon anaale ásoolowut, kama yo yommuu foof ámiito! Bale emmuu suunenisuuneni min anaale awuulo mantee foof li ámiito, kama laate ásoolo.

1 Kata Koolent 14:34

Kanaalaabuku koote kulu li sijanguwasu. Kubajut kakaañen min kúlobul, bale koote kuluukoo min kujanten loon eluwaayi yata Móyiis elobumuu.