1 Kata Koolent 11:3 - Jola-Kasa

³ Bale lifañe min jiliitiken wahawu unwe: Kilisita ammuu húkowahu hata ánayine anoowan. Anáyinaawu li aano húkowahu hata aseekool. Ateemit li aano húkowahu hata Kilisita.

1 Kata Koolent 11:3 Referencias Cruzadas

Máciya 28:18

Yéesu li ákoojuliil min aaniil: — Ateemit lasenonsen kayile kanookan li emitayi li etaamayi.

Hulimahu Hásuumaahu loon Saŋ akiic homuu 14:28

Jijanjam min eenuulumuu: “Boot min ijow, ban fan ílaañul ilako li bukuluul.” Nokoomuu loon jifañonfañ, joote jibaj ésuumahukow mata min emmuu li ijow boot bata Atuubaawu, mata Atuubaawu lahaŋom.

1 Kata Koolent 3:23

Ban bukuluul Kilisita akiluul, Kilisita Ateemit li akilool.

Kata Efées 4:15

Emmuu alolaal lulobaalelob mal̥egenamu li húbooli ló, fan ankaal li wahoowah feh ujow unokoolaal li Kilisita ammuu húkowahu.

Kata Kolos 1:18

Okila ammuu húkowahu hata eniilayi yáamimuu Ejanguwayi; okila ammuu húkitumahu, okila ajandumuu ayitowumul li eketayi, bájum li ahaŋ wahoowah feh.

Kata Kolos 2:10

Bukuluul li hujokoolahu hooluul li okila jíyabummuu wahawu feh boot to, okila ahaŋumuu sembe sanoosan sata uyinumawu wajakutumuu li huhaane hanoohan.

Kata Kolos 2:19

Kujokut li Kilisita ammuu húkowahu hata Ejanguwayi. Li mal̥egenamu, Kilisita ájimuu eniilayi foof yo feh li ékuumeni, ban li éjokoolum li síŋullumasu sata yo li kuŋawaku foof kata yo, min yank loon Ateemit afañumuu.

Kata Kolos 3:18

Kanaalaabuke, jítuul kúyinuul, loon anaale áyinene li Amaaŋenawu áatimuu akaan.

1 Fiyeel 3:1

Li manolamu, bukuluul kaalaabuke joote jítuul kúyinuul, mantee nokoomuu loon baje kukee li buko kahoye báyinen li Hulimahu hata Ateemit, baloŋelabu booluul li bújiyiil li kúyinen, bukuluul balobutiil hulim hanoohan,