1 Kata Koolent 10:27 - Jola-Kasa

²⁷ An áyinenut li Yéesu ahooñuulumuu hutiñ, ban li joon éehe’ min jijow, wahoowah wan ammuu asenuul li jitiñ wo. Jakum jigel̥l̥enoo bay wahawu unwu úfulumulo, jakum bil an abaj to kayinoo kakee.

1 Kata Koolent 10:27 Referencias Cruzadas

Hulimahu Hásuumaahu loon Lík akiic homuu 15:23

Jijow jíŋalul jímuunaaju jahaŋumuu maluuk jimuk, min ukaanaal kagaan min úwayeenaal.

Hulimahu Hásuumaahu loon Lík akiic homuu 19:7

Nan bukanabuku feh kalako tomuu kujukumuu loon muñaˈa, súumutiil min koon: — Anáyinaawu ummu lajowe alako bata ahoofoola!

1 Kata Koolent 10:25

Jiyilo jitiñ eliw yanooyan feh yan kújulaye li malise, ban jakum jigel̥l̥enoo bay eliwayi inyu ebilumulo, jakum bil an abaj to kayinoo kakee.

2 Kata Koolent 1:13

Li mal̥egenamu, bajut li sileetalasu san jikiiculuumuu wah ukee wábuto li wan jíjangaye lómuu li wan jínaanummuu. Ban lenseen jínaanunnaanum wo jak,

2 Kata Koolent 4:2

Alóli jihoohoy wahoowah wasuuneniye wakaaneyimuu li huyolo. Jíkaaneliit wah li jabunt, ban jítiiguleliit hulimahu hata Ateemit; bale jilobelob bukanabuku mal̥egenamu set, bájum bukanabuku feh li kuyili kúyinen li mal̥egen kaanaku áloli bukan joom kan an ayilo áwoolu hákil Ateemit.

2 Kata Koolent 5:11

Alóli jihaase waa wommuu kákoli Amaaŋenawu, ban jumbuku li huŋes min jikaan bukanabuku min kútiiwo boot boola. Ateemit akila láhaasoli jak, ban lenseen bukuluul foof jihaasom jak li uyinumuul.