1 Kata Koolent 10:25 - Jola-Kasa

²⁵ Jiyilo jitiñ eliw yanooyan feh yan kújulaye li malise, ban jakum jigel̥l̥enoo bay eliwayi inyu ebilumulo, jakum bil an abaj to kayinoo kakee.

1 Kata Koolent 10:25 Referencias Cruzadas

Bakaanelabu 10:15

Hulimahu li hulaañen hoonool: — Jakum ujok wah wan Ateemit aane ujaajak, loon ujakut.

Kata Lom 13:5

Wahawu unwu újimuu, joote jítuul bukanabuku kaakumuu kuhaanaaku. Jikaan momuu, let jilo li katekaku kata Ateemit, ban fan jihaas li uyinumuul joon jikankaan jak.

Kata Lom 14:14

Lihaase, ban Amaaŋenawu Yéesu lakaanonkaan íyinen kaanaku bajut wah wáñeyiye hutiñ wo humum wo. Bale an ayinoomuu li aan wah waman úñeyiñeyi, manooman fan úñeyi boot li akila.

1 Kata Koolent 8:7

Bale inti bukanabuku feh kuhaase mal̥egenamu ummu. Kukee kafuleneenumuu li ejow bata kuteemitaku kaletumuu mal̥egen, boot síyaat kuloŋe li kutokoñ eliwayi inyu loon eenimuu eliw yata sínuukuleŋ sasilayi kuteemitaku umbuku kaletumuu mal̥egen. Uyinumawu wooliil úgootogooto, ban li kujokoolo loon bukan kasikowe li eliwayi inyu.

1 Tímote 4:4

Li mal̥egenamu, wahoowah feh wan Ateemit áwuwene ujaajak. Bajut wah waate uhoyi, samin ulakomuu li utiñ wo li ujand ul̥aw ban li usal Ateemit.

Eleetalayi yan Fool akiicumuu Tit 1:15

Wahoowah feh useeset boot li bukanabuku kanabumuu. Bale bukanabuku kasikomuu ban li kuhoy báyinen, boot li buko bajut wah wasete, mata butuukowabu booliil busikosiko, uyinumawu wooliil foof li usiko.