1 Kata Koolent 10:14 - Jola-Kasa

¹⁴ Kutuyom kan iboolaat, wahawu unwu újimuu jikat kamanen kuteemitaku kaletumuu mal̥egen.

1 Kata Koolent 10:14 Referencias Cruzadas

Bakaanelabu 15:20

Bale ukiicaaliil min oonaaliil jakum kutokoñ eliw yata sínuukuleŋ san kákaanumutumuu li Ateemit balewool kusilaye mata esikosiko, jakum an áfulo an an kuyabowut, ban jakum kutokoñ sínuukuleŋ sakuumi min siket, jakum foof kutiñ húsim.

Kata Lom 12:19

Kufaalom kan iboolaat, jakum an akaanuul wah wajakut li jilukenoolo bukuluul humumuul, bale jikat etindihuuñayi yata Ateemit min ekaan bulokabu bata yo, mata li Bakiicelabu Amaaŋenawu lansaan ló: «Injé ilukenemuu, ínje icaamemuu.»

1 Kata Koolent 10:15

Lilollob li bukuluul loon bukan kata uyinum. Jiyinoo bukuluul humumuul min jijuk kulimaku kan ilobuulumuu.

1 Kata Koolent 10:19

Waa lifañe ilob to? Mantee eliwayi yata sínuukuleŋasu san kusilayemuu kuteemit kalet mal̥egen wah ukee éjaliŋe, mantee foof kuteemitaku humum ko kaletumuu mal̥egen wah ukee kújaliŋe?

1 Kata Koolent 10:7

Jakum foof jinaak jimanen kuteemit kalet mal̥egen loon kukee li buko kunaake kukaanumuu. Loon Bakiicelabu bulobumuu: «Esúkayi enaanaak ebah min etiñ eban li ehob, ban li eyito éwayeen.»

1 Kata Koolent 5:11

Bale likiiculuukiic min eenuul jitey an aani láyinenyinen li Kilisita, ban li anaak ahinto li aletalet, li aweelo li sídalam, li amanen kuteemit kalet mal̥egen, li anaak áloboo bukan, li anaak ákaliyenoo mantee foof li anaak ákuwet. An loon muñowu jakum jitiñum dín dáno li akila.

2 Kata Koolent 11:11

Ban wáa újiye li ilob loon muñaˈa? Waa, ínje fíle ifañutuul? Let mo! Ateemit lahaase aan lifañuufañ.

2 Kata Koolent 12:15

Injé fan súumom ŋáa’ min íbuj wahawu wan ibajumuu feh, ban li isenoolo ínje humumom feh boot li bukuluul. Nokoomuu loon ínje lifañuufañ ŋáa’, waa bukuluul fan jifañom jatit?

2 Kata Koolent 12:19

Fiyowe nan bukuluul jiyinoole li joon áloli kacahenoolo jóomi li ko hákiluul. Let mo! Alóli hákil Ateemit jóomi li elob, jówum li hujokoolahu hóololi li Kilisita. Kufaalom kan iboolaat, wahawu wan áloli jilobumuu, jilobuulob wo boot kaliten káyinenaku kooluul.

2 Kata Koolent 6:17

Wahawu unwu újimuu Amaaŋenawu li aan: «Jífu’ li buko, ban jikatoo li buko. Jakum jigo wah wasetut. Jikaan momuu ínje fan iyabuul.

2 Kata Koolent 7:1

Kufaalom kan iboolaat, emmuu Ateemit lalobe kasenolaal wahawu unwu feh, kama lootaale usetenoolaal alolaal humumolaal, min úfulaal li wahoowah feh wayilo usik eniilayi yoololaal li buyinumabu boololaal. Uhankenaal min uhabelaal ulakowaal li mal̥egen bukan kanabe li kákoli kata Ateemit.

Kata Fílib 4:1

Kutuyom kan iboolaat, síibom ŋáa’ min ilaañen ijukuul. Bukuluul jíjiwommuu li ibaj ésuumahukow, bukuluul jommuu éjambiyayi yúmbaam yata kaheekaku. Kufaalom kan iboolaatumuu, wahawu unwu újimuu joote jítuk lit li Amaaŋenawu.

Filemoŋ 1:1

Injé Fool akul̥imuu mata Yéesu Kilisita áji, ikiice eleetalayi inye íginnoo ló atuyolaal Tímote. Awu Filemoŋ likiiculo yo, ammuu ábukewoli li áfaaloli ata bulok.

Eébulo 6:9

Kútuyoli kan jiboolaat, maayeet min áloli jilobemee loon muñeˈe, híitolihiit kaanaku bukuluul jumbuku li bútinabu bajakaabu, bammuu bata kafakaku.

1 Fiyeel 2:11

Kutuyom kan iboolaat, ínje ummu li kawunkulenuul bukuluul janokoomuu loon kuñaahoola li ejawoola li etaamaye, min jitey kásiibowaku kata siniilasu sooluul kammuu li katiiken saalasu sooluul.

1 Saŋ 5:21

Kuñoolom, jíkaanum kuteemitaku kaletumuu mal̥egen.

Búhiisenumabu 13:8

Bukanabuku feh kammuu li etaamayi fan kumanenool. Bukanabuku umbuku buko kommuu kan ujawawu wooliil ukiicutimuu li éliibalayi yata buloŋabu yaan no li húkitumahu hata adunaayi. Elíibalayi inyu yata Agálalaanawu amukimuu.

Búhiisenumabu 2:14

Bale baje wah wan eete iwatateni mata wo: lubaje booli bukan kanabe li kulimaku kata Balam, alobumuu Balak buu lammuu abuutoo kata Isilayeel min kutokoñ eliw yawaaseni, li buu kommuu kunaak kúfulo bo muñaˈa.

Búhiisenumabu 21:8

Bale bukanabuku kákol̥l̥imuu, kátukutumuu lit, kakaanemuu wah wasuuneniye, kamukemuu bukan, káfulowemuu li aletalet, kakaanemuu jángafayinde, kamanenemuu kuteemit kalet mal̥egen li kúmalamiñaku feh, buko fan kujow li buwokaayabu bata sambunasu li batolokabu básoyiyaabu. Bo bommuu eketayi yál̥ubutayi.

Búhiisenumabu 22:15

Bale bukanabuku kammuu li kulako tíyaŋ ésukayi, buko kommuu kakaanemuu wah wasuuneniye, kakaanemuu jángafayinde, sicagaasu, kamukemuu bukan, kamanenemuu kuteemit kalet mal̥egen, li bukanabuku feh kafañumuu émalimiñ ban li kunaak kúmal.