1 Kata Koolent 1:26 - Jola-Kasa

²⁶ Kutuyom, jijuke min jijuk bukuluul bukan buu joom, bukuluul jan Ateemit ahooñumuu. Li kayinoo kata ál̥ahukowan, bajut li bukuluul bukan kameeŋe kájallowe, bajut bukan kameeŋe káami bukan káamak, bajut foof bukan kameeŋe li bukuluul kabuki li utoŋ wáamak.

1 Kata Koolent 1:26 Referencias Cruzadas

Hulimahu Hásuumaahu loon Lík akiic homuu 1:3

Muñeˈe li igel̥l̥en min ihaas jak wahawu wabajumuu li húkitumahu iban, li een jaajak, Ahaanawu Téwofiil, mín ínje foof ikiic kulimaku unke boot li awu.

Hulimahu Hásuumaahu loon Lík akiic homuu 10:21

No unnu, ésuumansuum li elako li Yéesu li búkaanum bata Buyinumabu Banabaabu, li aan: — Lisali Ateemit Atuubawom, awu ammuu Amaaŋenawu ata emitayi li etaamayi, mata luyoyyo wahawu unwu bukanabuku kájallomuu li katuukomuu, min úhiis wó bañiilabu. Mal̥egen, Atuubawom lisalisal, mata li húfañum huya lúkaanum mó.

Bakaanelabu 13:12

Nan águubelunaalawu ajukumuu wahawu wabajumuu, li áyinen li Yéesu, mata kulimaku kan kuliikenoomuu mata Amaaŋenawu kugoloogo’ ŋáa’.

Bakaanelabu 13:7

Anáyinaawu ummu bata águubelunaalawu an koonemuu Sélusiyus Fáwulis lakine, alakomuu ánayine atuukowe. Agúubelunaalawu li áhooñul Balunabaas buko Sóol, mata lafanfañ min ajam Hulimahu hata Ateemit.

Bakaanelabu 17:34

Bale kukee li kulaañ boola, min kúyinen. Li bukanabuku umbuku káyinenumuu, baj to Dóniis alakomuu li huhaanaahu hata Ayeelofaas, li anaale akee an koone Damalis, li kukee foof.

Kata Lom 11:29

Li mal̥egenamu, Ateemit ásenoliit wah aban li alaañen ayab wo, ban foof ábetoliit búsol bukan kan ahooñe.

1 Kata Koolent 1:20

Kama anawu ájallomuu ummay? Anawu aliikenemuu ésukayi eluwaayi yata Móyiis ummay? Anawu ata muñeˈe ayiliyaawu búwonnoo ummay? Inti Ateemit lalaañenlaañen bújallowabu bata adunaayi inye bulako bul̥uuhoo?

1 Kata Koolent 2:13

Ban inti li kulim kan bújallo bata ál̥ahukowan buliikene lúwaalewumaale wah, bale li kulimaku kan Buyinumabu bata Ateemit buliikenewolaamuu lúwaalewumaale bukanabuku. Muñowu lúkittenumaalemuu mal̥egenamu mabilummuu li Buyinumabu li kulim kabilumulo li Buyinumabu Banabaabu.

1 Kata Koolent 2:8

Anoowan li bukanabuku kaakumuu adunaayi inye, ahaasut bújallowabu umbu. Kuhaaseen bomuu, leteen kubaaŋ Amaaŋenawu ata máyiineniyamu li ekuluwaayi.

Kata Fílib 4:22

Bukanabuku feh kata Ateemit kusaafuluul, háŋum kammuu li eluufayi yata áyiiyawu áamakawu Sesaal.

Saak 2:5

Kutuyom, jijanten! Kama inti Ateemit lal̥ul̥l̥us bukanabuku kan adunaayi yoonumuu kusukateen koom, min akaaniil kulako kusaanum li káyinenaku, ban li kuyab Jáyiiyaju jan Ateemit alobumuu kasen kafañoolumuu.

2 Saŋ 1:1

Injé Anahaanawu, ikiiculo boot li Anaalaawu an Ateemit al̥usumuu, li boot li kuñoolool kan íboolimuu li mal̥egen. Inti ínje balewom íbooliwuul, bale bukanabuku feh kahaasumuu mal̥egenamu kúbooliwuubooli foof.