1 Kata Koolent 1:17 - Jola-Kasa

¹⁷ Li mal̥egenamu, Kilisita aboñutom boot kábatiise bukan, bale laboñomboñ boot kawaale Hulimahu Hásuumaahu. Ban inti mata min iwaale ho li kulim kata bújallo bata ál̥ahukowan, jakum bil eketayi yata Kilisita li ekuluwaayi elako kakaal̥o.

1 Kata Koolent 1:17 Referencias Cruzadas

Hulimahu Hásuumaahu loon Saŋ akiic homuu 4:1

Muñeˈe Kufaaliisiyeŋaku koola, ban li ábatiise kúgoom kahaŋe mameeŋ kan Saŋ ábatiisemuu.

Hulimahu Hásuumaahu loon Saŋ akiic homuu 4:2

(Li mal̥egenamu, Yéesu humumool ábatiisewut anoowan. Kúgoomaku koola kunaake kúbatiise bukanabuku.)

Bakaanelabu 10:48

Mal̥egen Fiyeel li alob min kúbatiiseyiil li kajawaku kata Yéesu Kilisita. Muñeˈe buko feh li kuyaakoo Fiyeel mantee kay li alako li buko kunak.

1 Kata Koolent 2:1

Kutuyom, nan ibilumuu boot booluul, min iwaalewuul mal̥egenamu mayolomuu mata Ateemit, iŋalut kulim kagole mantee foof bújallo báamak min ilob li bukuluul.

1 Kata Koolent 2:13

Ban inti li kulim kan bújallo bata ál̥ahukowan buliikene lúwaalewumaale wah, bale li kulimaku kan Buyinumabu bata Ateemit buliikenewolaamuu lúwaalewumaale bukanabuku. Muñowu lúkittenumaalemuu mal̥egenamu mabilummuu li Buyinumabu li kulim kabilumulo li Buyinumabu Banabaabu.

2 Kata Koolent 1:12

Wahawu wájimuu áloli li jisaloolo, wo wommuu mata búyinumoli búkaanolikaan jihaas kaanaku buloŋabu bóololi li adunaayi inye, háŋum hákiluul, bulakolako buloŋ banabe ban bata mal̥egen, babilumulo li Ateemit. Buloŋabu umbu bubilumuloot li bújallo bata ál̥ahukowan, bale li kájiyaku kata Ateemit bubilumulo.

2 Kata Koolent 10:10

mata konsoon: «Kulimaku kan alobemuu li sileetalasu soola kútaañitaañi ban li kul̥aal̥ ŋáa’, bale ajowumuu alako li alolaal, let abaj sembe ban balobelabu boola li búyiyeni ŋáa’.»

2 Kata Koolent 11:6

Nakee mal̥egen íseeliwut li elob, bale lihahhaas wah. Jikaanuukaan min jihaas wahawu unwu jak li makaane manooman ban li wahoowah feh.

2 Kata Koolent 4:2

Alóli jihoohoy wahoowah wasuuneniye wakaaneyimuu li huyolo. Jíkaaneliit wah li jabunt, ban jítiiguleliit hulimahu hata Ateemit; bale jilobelob bukanabuku mal̥egenamu set, bájum bukanabuku feh li kuyili kúyinen li mal̥egen kaanaku áloli bukan joom kan an ayilo áwoolu hákil Ateemit.

2 Fiyeel 1:16

Li mal̥egenamu, inti eeniseen li ukoŋ wajuul̥i li eseele, áloli jíjowume min jíhiisuul ebilayi li sembe yata Amaaŋenawu, bale áloli húmumoli jijuujuk maluukamu moola li kúkiloli.