Salmos 91:4 - Kaxinawá Bíblia (BR)

⁴ Takarã hawẽ bake mekekĩ nushamis keska wakĩ mĩ nuku mekekĩ nusha nũ dateismaki. Shinã betsa wama nuku putama mĩ nuku mekekubaĩmiski, hawẽ pia nemati keskawenã.

Salmos 91:4 Referencias Cruzadas

Gênesis 15:1

Haska waimakẽ ana usha nama keskawẽ Senhor Deusũ hãtxa wakĩ Abrão yuikĩ: —Abrão, dateyamawe. Ẽ mĩ mekenãtũ benimawakĩ ẽ mia duawakĩ ewapa washanaii— aka

Mateus 23:37

yurabu uĩbaũkĩ Jesusũ hatu yuikĩ: —Jerusalém anu hiweabuũ, Jerusalém anu hiweabuũ, Deusũ hãtxa yuishunikabu inũ hawẽ hãtxa hatu bana beshũpakeaibu Deusũ hatu yunubiaya hatu danãkĩ hatu tenãkĩ matũ shenipabũ anibu keska wakĩ mixkiwẽ mã hatu tsaka tsaka amisbuki. Takarã hawẽ bake nushamis keska wakĩ eãri matu merabewakĩ matu mekẽnũ ika ẽ hubianikẽ haska xinãma ea danãkĩ mã ea hawa nĩkamaki.

Marcos 13:31

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.

Tito 1:2

Deus txani txakaismatũ mai damiwariama hawẽ hãtxawẽ hiweakiri yubakani hatũ hiwea ikibi ika tsumatũ hawa betsa wama ishanai nũ manaii.

Rute 2:12

Hau Deusũ mia manakunũwẽ. Enabu mĩ duawakubiranimawẽ taeshũ Israelĩ enabu mekenika Senhor Deusũ hãtxa mĩ txibãkatsi ikairã, hau mia pepawakubaĩriashanũwẽ— aka