Salmos 91:15 - Kaxinawá Bíblia (BR)

¹⁵ Hatũ ea kenaya ẽ kemashanaii. Ea kayabis ẽ habes ishanaii. Hawara bika teneai binumatã betxipaihairakĩ duawakĩ yurabu ẽ kẽwãmashanaii.

Salmos 91:15 Referencias Cruzadas

Jó 5:19

Hawẽ yusĩti hãtxa mĩ nĩkakĩ txibãkubainaya mia mese mese wakĩ mia bika tenemaibu Deusũ hatu mia nemashũshanikiki. Hawa txakabu hau miki nukuyamanũ haska wakĩ Deusũ mia ashũkubaĩshanikiki.

Salmos 23:4

Hawara bika tenei napãpa meshuhaira keska merã ẽ nibiakainaya mĩ ebe kaiwẽ taea hawa mesei ẽ dateismaki. Mĩ ẽ mekenã ebe kakĩ mĩ mestẽti inũ mĩ txashuwã hawẽ atxikĩ betãti tsumabaĩkĩ ea benimawakĩ mĩ ea shinã txakawãmiski.

Salmos 37:40

Tsuabura pepabũ hanira irukatsi benaiburã, Senhor Deusũ hatu merabewakĩ pashawamiski, txakabubube husia hiwebiakẽ hatu kaĩmabaĩkinã.

Isaías 41:10

Dateyamakãwẽ, ẽ matubekirã. Dateyamakãwẽ. Earã, ẽ matũ Deuski. Matu merabewakĩ ẽ kushipa ẽ matu inãmiski. Ea kushipa binumamistũ matu tsumashũ hawa matu heneama ẽ matu mekekubainaii.

Isaías 58:9

Hanushũ ebe hãtxakĩ mã ea kenaya nĩkatã ẽ matu kemashanaii. Hawara mei datei bis ikĩ mã ea hawaira yukaya eã matu kemakĩ: ‘Ẽ nenuki’, ẽ matu ashanaii. Hawara atimapã matu tsuma mã yamawakĩ keyuai inũ, huni betsa mã ana hatu itxama inũ, metukĩ mã ana hatu yuãma inũ,

Isaías 65:24

Habũ ea kenakĩ ea ea ariabuma eã dukũ hatu kemakĩ: ‘Hawamẽ?’ ẽ hatu wakubaĩshanaii. Ebe hãtxakĩ hawarakiri ea yuka keyuriabuma ẽ hawaira hatu nĩka keyukubaĩshanaii.

Mateus 28:20

Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki. Hatiski, nukũ Shanẽ Ibukiri ẽ hãtxa ikũnã. Mateu

João 12:26

Tsuabũra ea duawakatsi ikinã, hau ea txibãkubainũbũwẽ. Hanushũ ea txibãkĩ ea duawaiburã, ebe hiweriashãkanikiki. Haskawẽ taeshũ tsuabura ẽ Epa Deusũ hatu duawaya hanu ẽ hiweshanai anu ebe iriashãkanikiki, habũ ea duawamisburã— iwanã,

João 12:43

Jesus xinãbiakĩ hawenabu kẽwãmayukatsis ikĩ Deuskiri beshmas kẽwãkĩ dateyabi xinãkinã.

João 16:32

Mã ea haska wabiai hanu mã datei pashairã, ma kemakanikiki. Uĩrakãwẽ, hanu dasibi sa ikĩ mã bestibu ea dapashkabaĩkĩ mã ea henebiabaina earã, ẽ emestimaki. Ẽ Epa ebe ketashameshũ ea heneamaki.

João 5:44

Haska inũ, matũmebi ibubis mã yurabu kẽwãma bestikatsis imiski, ha besti Deus hatu kẽwãmamarã. Haskawẽ taeshũ mã ea ikũwãtirubumaki.

2 Timóteo 4:17

Ẽ haibuaibũ ea henebiabainabũ hawẽ binuti Jesus Cristokiri hawẽ kaka pepa hawẽ pashatikiri ẽ hatu yui keyuaya judeubuma dasibibũ hau nĩkanũbũ nukũ Shanẽ Ibũ ea heneama ea kuxipa washũ hatu daewakĩ mese anua ea piskumaimaki, ea haska nukũ Shanẽ Ibũ hatu binumakĩ inu keneya pĩtsi keshea keska anua ea binumakinã.

Hebreus 5:7

Ha inũ, nenu mai anu yurabube Cristo hiweyua mawawẽ dateyamanũ ika yumaĩ saĩ iki kashai hawẽ Epa Deusũ merabewatiru xinaĩ habe hãtxakĩ hau hawẽ date yushĩ nemashunũ hawẽ kuxipa ea aniki. Hawẽ Epã hãtxa nĩkakĩ danaĩsmawẽ taeshũ Epa Deusũ haska wai nĩkatã hawẽ date nemashuniki.

1 Pedro 1:21

Haskakirã Cristõ hawẽ Epã hãtxa matu unãmaiwẽ taeshũ mã Deus ikũwãnibuki. Haska matu wabiaya tenãbu Deusũ ana bestẽwãkĩ Shanẽ Ibu wani na habiatiã matũ xinãwẽ hakiri ikũwãkĩ Deusũ hiwekuĩa matu inãshanai mã haki txiti ishũ manakakubainaii.

1 Pedro 3:22

Hanua Jesus mawa ana besteã nai anu ka hawẽ Epa Deusũ yusiuri tsauwa Deusũ nai tsumabu inũ shanẽ ibu kuxipa dasibibu Deusũ Jesus yununi Jesus shanẽ ibukĩ dasibibu hatu mekekubainikiki.

1 Pedro 5:4

Hanua mekenika kayabi Shanẽ Ibu Cristo hushũ mã hamapai binumisbu kupiti pepawẽ matu manakukĩ maiti hawẽrua keska txaputima matu inãshanikiki, Cristobe matu txashakapawakinã.

Apocalipse 3:21

Tsuabũra ea danãma habũ txakabu maemakĩ binumisburã, hatu manakukĩ ea dapi tsaumakĩ ẽ hatu shanẽ ibumashanaii, haska eã ẽ binu keyuni ẽ Epa dapi tsauwa ẽ habe shanẽ ibuni keska wakinã.

1 Samuel 2:30

hanua Israelĩ enabu mekenika Senhor Deusũ ana mikiri yuikĩ: ‘Ebe hãtxashunikabu hau ikubaĩshanũbũ mĩ shenipabu Arãonẽ enabu ẽ hatu yubaniki, minabu dikabikirirã. Haska ẽ hatu yubani ẽ ana shinãkatsi ikamaki. Habũ ea duawaibu besti eãri ẽ hatu duawashanaii. Hakia habũ ea danaĩbu eãri ẽ hatu danãriashanaii. Ẽ Senhor Deusũ shabakabi ẽ mia yuaii.