Salmos 8:3 - Kaxinawá Bíblia (BR)

³ Nai dami watã mĩ haki ushe inũ bishi dami wakĩ hanani uĩkĩ hakiri ẽ shinãmiski.

Salmos 8:3 Referencias Cruzadas

Gênesis 1:1

Deusũ nai inũ mai dami wakĩ eska wakĩ taewanikiaki.

Salmos 19:1

Senhor Deus kushipatũ damiwani nai manaũriabu shabakabi hawẽ kushipakiri habu nukuki txanikanikiki. Naiuria habu dami pepa wanibũ nuku tapĩmamisbuki.

Salmos 33:6

Senhor Deusũ hawẽ hãtxa bestiwẽ yunukĩ nai damiwaniki. Habias hawẽ hãtxawẽri shũ akĩ bari inũ ushe inũ bishi damiwaniki.

Êxodo 31:18

Mati Sinai anua Moisésbe Senhor Deus hãtxai menetã hawẽ yunuti inũ hawẽ nemati hãtxa Deusũ hawẽ shinanẽ mishki ture sapa dabeki hawẽ mekẽ kayabis haska kenea Moisés inãyã

Êxodo 8:19

hanua mukayabu bushũ hatũ shanẽ ibuhaira Faraónẽ yuikĩ: —Na shiu dami wakinã, hatũ Senhor Deus dasibi binuatũ besti hatu dami wamashuki— akabu haska nĩkabiatã ana hawẽ huĩti kushitã hatũ hãtxa Faraónẽ nĩkama haska Senhor Deusũ bebũkiri yuishina keskaya

Lucas 11:20

Hamẽ ikũ Deusũ kuxipawẽ eã ẽ yushĩ txakabu kaĩmamiswẽ taea Deus matuki bai ma huaki.

Romanos 1:20

Hanushũ Deus tsuã uĩtirubumabia Deusũ mai damiwani anua haska niti akama hawẽ kuxipa inũ haska watãra dasibi pewakeakekubaĩmis Deusũ yurabu uĩmaya hawara damiwani uĩkĩ dasibibũ Deuskiri shabakabi unãtirubuwẽ taea tsuabura Deuski meseama yuikĩ: “Deuskiri tsuã ea yusĩamaki”, iki txanitxaka bestikanikiki.

Deuteronômio 4:19

Ha dikabi naiuri uĩkĩ bari inũ ushe inũ bishi inũ bishi kauani txashakainai betxitã haki mesei ‘Habaa!’ iki datekĩ haska kẽwãyamakubaĩshãkãwẽ. Yurabu dasibi merabewakĩ hawara sharabu nai anua uĩtirubu Senhor Deusũ hatu damiwashuniki.