Salmos 73:26 - Kaxinawá Bíblia (BR)

²⁶ Ẽ hiwea dasibi yamashanikiki. Hakia mĩ ẽ Deusũnã, hawara mĩ ekiri yubakai tanani ikibi ika haya hatũ ẽ huĩti ea mestẽwã ẽ shinã txãkãkũkainaii.

Salmos 73:26 Referencias Cruzadas

Salmos 27:14

Senhor Deuski mestẽtã hawẽ kushipai punu nukama hawẽ shinã betxipaikĩ hawa txĩtuãma haki mestẽkubaĩkãwẽ.

Salmos 40:12

Enabũ ea hawẽtsaĩs txakabu betsa betsapa wamisbu hati tanatã ẽ mia yui keyutirumaki. Ibubis ẽ txakabu betsa betsapatũ ea kebẽbauna haskatã ẽ ana pe uĩtirumaki. Ẽ txakabu mirimatunã, ẽ bu itxapa binuaki. Haskawẽ taea ẽ benima pae ẽ benua ẽ ana hayamaki.

Salmos 63:1

Ẽ Deusuũ, mĩ ẽ Deuski! Mia ũpash manuai keska wakĩ miki nukunũ ika ẽ mia bena txakayamaii. Ha mai metu ũpash hayama anua nia keskashũ ũpash manutxakayamai keskakĩ ẽ hiwea hirabiwẽ mia betxipaikĩ ẽ mia benakubainaii.

Salmos 84:2

Mĩ tari hiwe hemaĩtĩ kenekauana merã hanu hikia haska mia betxipaihairai ẽ hari hanus ikatsis ikaii. Benima txakayamai ẽ huĩti hirabiwẽ mĩ Deus hiwea kãtakĩ ẽ kẽwãmiski.

Filipenses 1:21

Natiã ẽ hiweyuarã, Cristo ẽ hiweshũyukũkainaii. Hakia hawẽ taea ẽ mawarã, ẽ nenu hiwemis binuaki.

2 Pedro 1:14

Nukũ Shanẽ Ibu Jesus Cristõ ma hanu ea yuini ma ẽ mawashanairã, ma kemaikiki.

Apocalipse 21:7

Ha inũ, tsuabũra ea danãma habũ maemakĩ binumisburã, ea ẽ hatũ mekenika Deus ikaya habu ẽ bakebu na mae bena anu hawa benuama ebe hiwei ikibi ipakeshãkanikiki.