Salmos 65:3 - Kaxinawá Bíblia (BR)

³ Nukũ txakabu tibitũ nuku tsumashũ bika tenemabiaya miã ha txakabu betxipaiama nuku buashũkĩ mĩ ana shinaĩsmaki.

Salmos 65:3 Referencias Cruzadas

1 Reis 9:3

ana habe hãtxakĩ yuikĩ: “Mĩ ebe hãtxakĩ ea kẽwaĩ inũ mĩ ea ea akai mĩ hãtxa ẽ nĩkayamaki. Ha kẽwãti hiwe mĩ ma akima anu ẽ kena ikũkaĩshanaiwẽ taeshũ meribi ena wakĩ ẽ ma pepa washinaki. Mekekĩ uĩ ẽ hanu ikũkaĩshanaii.

2 Reis 19:20

hanushũ Amozĩ bake Isaíasĩ haska Senhor Deusũ yuishu hau Ezequias yuitanũbũ Isaíasĩ hatu yunukĩ: “ ‘Assíria nawa shanẽ ibuhaira Senaqueribe ikaikiri mĩ ea yukakĩ yuishu ẽ nĩkashuki’, akĩ Israelĩ enabu mekenika Senhor Deusũ mia yuikiki”, akĩ ẽ mia yuiaii.

Salmos 40:12

Enabũ ea hawẽtsaĩs txakabu betsa betsapa wamisbu hati tanatã ẽ mia yui keyutirumaki. Ibubis ẽ txakabu betsa betsapatũ ea kebẽbauna haskatã ẽ ana pe uĩtirumaki. Ẽ txakabu mirimatunã, ẽ bu itxapa binuaki. Haskawẽ taea ẽ benima pae ẽ benua ẽ ana hayamaki.

Salmos 51:7

Ẽ txakabu mĩ ea txuka ẽ ana txakabu hayama ishanaii. Ẽ txakabu ea txukakĩ mĩ ea shũpĩ wanã, ha matsi tãki hushupamis ẽ binushanaii, hawa ana txakabu hayamairã.

Isaías 6:7

hawẽ ẽ kesha ea metsamatã yuikĩ: “Uĩwẽ. Na txi tsistuwẽ mĩ kesha ẽ mia metsamashurã, hawẽ mĩ txakabu ẽ mia hayama washũshuki. Mĩ txakabumis ẽ mia buashũshuki.”

João 1:29

Hanua ushaxini bestẽtã maniabũ Jesus huai txaima betxitã metukĩ Joãonẽ hatu yuikĩ: —Uĩkãwẽ. Deus daewakĩ hatũ txashuwã bake menumisbu keska wai yurabu dasibibũ txakabu hatũ hatu buashũkĩ Deus nuku daewashũti ma huikiki.

Gálatas 5:17

Hakia hawara txakabu mã abuai Deusũ Yushĩ Pepatũ danãmiski. Haska inũ, hawara hawẽ Yushĩ Pepatũ abuai txakabũri danãriamiski. Ha dabe binunãnaĩbũ maturi pepapaikĩ haratura mã heneama mã kanemiski, ibubisrã.

Hebreus 9:14

Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.