Salmos 65:11 - Kaxinawá Bíblia (BR)

¹¹ Mĩ nai kuĩ itxapawẽ hatu duawakĩ hawa yaushiama mĩ inãshinawẽ taea ha yunu tsekati baritiã biaibu mirima mĩ hatu duawamiski.

Salmos 65:11 Referencias Cruzadas

Jó 5:10

Mai anu Deusũ ui imakĩ yunumiski, nukũ bai anu yunu txa akinã.

Provérbios 14:18

Huni betsã bebũkiri pe shinaĩsmarã, hawẽ unaĩsmapawẽ taea hiwei peismaki. Hakia huni betsã bebũkiri pe shinãmisrã, unanepai hiwea dasibibũ uĩtirubuki.

Joel 2:14

Mã haskaibũ matu kupinũ ishũ shinãbiai ana haska shinãma shinã betsa washanimẽkaĩ. Haskatã nukũ Mekenika Senhor Deus mã ha tsekashũ inãkuinũ shekiwã trigo inũ uva vinho matu inãtiruki, matu ana pepawẽ duawakinã.

Malaquias 3:10

Matũ bai anua inũ matũ inabu anua haska Moisĩ matu yusini dízimo ena bekĩ eki nukuti Templo hanu arukĩ meketi dĩtu anu hatu inãkubaĩkãwẽ. Mã haska wakĩ ea uĩmaya eki nukuti Templo anu piti pepa hayakũkainaya eanã, matuna binumakĩ nai anua pepahairawẽ ẽ matu duawakubainai uĩkatsirã, ea dukũ unãti wamakãwẽ.

Romanos 11:17

Nũ judeuburã, oliveira hi kayabi keskabuki. Hakia hawẽ pũyã babu betsa meshtetã oliveira mebi betsa kuxipa haki tsamĩtã nea dasibi habias tatxanua hawẽ shuku hawẽ namibe husitã habias yumemis keska Abraãonẽ bababu Deusũ hatu watã Israelĩ baba betsabũ Deus txibãkĩ ikũwãbuma Deusũ oliveira pũyã meshtea keska wakĩ hatu danãtã maturi Deusũ hawenabu wakĩ Abraão matũ shenipabu keska matu wariakeakeikiki. Haskakẽ Deus hawenabu Israelbuwẽ nuikĩ hatu duawakubaĩshanai Deusũ Abraão yubani keska wakĩ mã Israelbuma matuburi Abraãonẽ bababu keska watã matuwẽ nuikĩ matu duawaikiki, oliveira kuxipaki tsamĩa haki nea keskawakinã.