Salmos 51:14 - Kaxinawá Bíblia (BR)

¹⁴ Ẽ Deusuũ, ẽ Deusuũ, ẽ txakabu mĩ ea piskumamiski. Huni betsa ẽ hune tenaĩmarã, haska keska ẽ ana ayamanũ ea nemawe. Mĩ haska nemakubaĩkĩ hawa kaneismawẽ taea mĩ pepakiri kãtai ẽ txanikũkaĩshanaii.

Salmos 51:14 Referencias Cruzadas

Gênesis 42:22

hanushũ Rúben iyuatũ hatu yuikĩ: —Uĩkãwẽ. Ẽ matu yuibia: “Ha berunã itxakawayamanãkãwẽ”, ẽ matu wabia mã ea nĩkama iniki. Uiã, José tenanibuwẽ taeshũ manakukĩ nukuri txakabuwakĩ Deusũ nuku bika tenemaikiki— hatu waya

2 Samuel 12:9

Haskakĩ mĩ ẽ hãtxa ea nĩka pewama ikimashũ ẽ haska betxipaiai keska mĩ akama danaĩmamẽ? Amom nawabu Heteu nawa Urias hatu tenãmanũ, iwanã, hau Urias nitxĩshanũ mĩ Joabe yunua Urias hatu tenãmaimaki, hatu haska wamatã hawẽ aĩ mina wakĩ bikatsirã.

Isaías 45:17

Hakia Israelburã, Senhor Deusũ hatu mekekĩ hatu piskumakĩ heneama ishanikiki. Haburã, hawa babui dake taskama ishãkanikiki.

Hechos 18:6

nĩkatã judeu itxapabũ ikũwãkatsi ikama danaĩ habi aki haki shetxakai ha ibaunaibũ Paulõ hatu henebaĩkatsis ikĩ Deusũ hãtxa danaĩ hau habiaskasi hiwenũbũ habu unãti wakĩ hawẽ tari anua mai kuru datakakĩ hatu yuikĩ: —Deusũ Messiaskiri ẽ matu yusĩa nĩkama matũmebi ibubis matũ txakabuwẽ mã benu kayabiaii. Haskawẽ taeshũ ea akama matu besti Deusũ kupishanikiki. Haskakẽ judeubu ana yusĩama natiã unuri judeubuma besti ẽ yusĩkubainaii— hatu watã

Hechos 20:26

Haskakẽ ikis matu yuinũ nĩkakãwẽ. Dasibi Deusũ yurabu yubani hawa huneama shabakabi ẽ matuki txanimiswẽ taeshũ tsuãra habũ danãkĩ Jesus ikũwãbumawẽ taeshũ Deusũ ea kupiama ishanikiki.

Romanos 10:3

Hakia haska Deusũ nuku pepawamis ha txibãkĩ ikũwãma hatũ xinã besti txibaĩ keĩ ibubis pepai beparamei shabakabi kẽmisbuki, Deusũ besti tsuara ma pewashũ hakiri pe besti yuitiru unãmarã.