Salmos 46:2 - Kaxinawá Bíblia (BR)

² Patxa sakukĩ mai txurũwãkĩ ha mati tibi tsekebaĩ ianẽwã nuahaira merã pukui keyubiaya nũ hawẽ taea nũ hawa dateama ishanaii.

Salmos 46:2 Referencias Cruzadas

Salmos 23:4

Hawara bika tenei napãpa meshuhaira keska merã ẽ nibiakainaya mĩ ebe kaiwẽ taea hawa mesei ẽ dateismaki. Mĩ ẽ mekenã ebe kakĩ mĩ mestẽti inũ mĩ txashuwã hawẽ atxikĩ betãti tsumabaĩkĩ ea benimawakĩ mĩ ea shinã txakawãmiski.

Salmos 27:3

Detenamenikabu itxatã ea keshebiabaunabũ huĩti bene bene iki ẽ hawa hatuwẽ dateamaki. Ea detenũ itã ekiri detenamenikabu benibiabiranaibũ ẽ shanẽ ibuki txiti ika babuama ẽ unanuma hiwekũkainaii.

Salmos 37:39

Tsuara huni pepabu habũ merabe huirã, Senhor Deus anua humiski. Senhor Deusũnã, hatu arukĩ kebeãki, hawara bika teneaibu mekekinã.

Salmos 91:2

habũ Deus yuikĩ: “Mianã, mĩ ea irumamiski. Mĩ ẽ hiwe ewapa kushipaki. Mĩ ẽ Deus pepaki txiti ikĩ ẽ mia ikũwaiĩ.”

Mateus 21:21

Jesusũ nuku yuikĩ: —Ikũkĩ ẽ matu yuiaii. Mã haratutũra ea ikũwaĩ xinã dabeyama na hi ẽ ashu keska wakĩ na mati yuikĩ: “Matipaã, mimebi tsekekaĩ iãnẽwã merã pukutãwẽ”, mã waya Deusũ haska yunushanikiki.

Lucas 21:33

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.

Hebreus 13:6

Haskakẽ ma nuku yubani haska haki txiti itã hawa dateama yuikĩ: “Yavé Deusũ ea merabewamiswẽ taea hamapai tibiwẽ tsuabũra txakabuwanũ ishũ ea amanũ ikaibu ‘Ẽ Shanẽ Ibũ ea merabewaya ẽ dateamaki’ ”, ikĩ hatu yuikubaĩtiki, dateamarã.