Salmos 40:6 - Kaxinawá Bíblia (BR)

⁶ Hau nukũ txakabu mĩ nuku buashũshanũ inabu menuti mĩ manamaki. Hawara inãkuĩ menuti tibi nũ mia ashũmis inũ shekiwã tibi inãkuĩkĩ mĩ hiwe anu nũ bemis haska dabewẽ mawaira mĩ hawẽ benimaismaki. Hamẽ haska binumakinã, mĩ hãtxa nĩkakubaĩkĩ haska mĩ yununi txibãkĩ ẽ mia meneshũtiru mĩ ea shabakabi nĩkamakĩ yusĩmiski.

Salmos 40:6 Referencias Cruzadas

Jó 5:9

Hatunã, haska tsuã atirumahaira hatu haba imakĩ hawara sharabu itxapa Deusũ akubaĩmiski.

Salmos 139:17

Senhor Deusuũ, mĩ shinã unanepa uke merã tapiã bikahairaki. Haska mĩ shinaĩ itxapa tsuã mikiri tanatirumaki.

Salmos 139:18

Ẽ mikiri shinãkĩ tana taewabia mashiti keskakẽ haska washũ ẽ tana keyutirumaki. Hakia mĩ shinã tana keyukatsirã, mia putama mibe ikũkaĩkĩ ẽ mia henetirumaki.

Salmos 51:16

Ẽ inãkuĩ tibi inũ inabu tibi ẽ mia menu keyushũkĩ ẽ mia hawẽ benimawakatsi ikĩ ẽ mia inãbia mĩ betxipaiamabiakẽ ẽ mia haska washũkatsi ikamaki.

Isaías 1:11

Senhor Deusũ matu yuikĩ: “Haskakĩ hatira matũ inabu ea inãkĩ mã ea menushũmismẽ? Matũ txashuwã bene inũ ina awa bene babupã sheni mã ea menu keyushũmisrã, ma ẽ habu hatsãki. Haskawẽ taeshũ ina awã himi inũ, txashuwã benẽ himi inũ, cabra bakẽ himi txanima ana habu uĩkatsi ikama ẽ danãhairaii.

Amós 5:22

Yuinaka sheni inũ shekiwã trigo duru kuakĩ mã hawẽ ea duawakĩ kẽwãkatsis ibiaya ẽ ana ha betxipaiamaki. Ea ana daewanũ ishũ ina awa bake shuarãwã tesẽshũ hawẽ yura hirabi mã ea menu keyubiashuna hawẽ nue danãkĩ ẽ ana hakiri pe shinãma ishanaii.

Mateus 9:13

Deusũ Oséias yuinirã, mã uĩriamamẽ? Matu yuinũ nĩkairakãwẽ: ‘Ea benimawanũ ishũ txashuwã kuakĩ menu keyuaiwẽ besti akama yurabuwẽ nuikĩ hau ea benimawakubainũbũwẽ’, aka nĩkatã Oséiasĩ keneniki. Haskakẽ: “Ẽ txakabuki”, iwanã, xinaĩbu hatũ huĩti pewakĩ ẽ hatu merabewa xinã betsa watã hau Deus ikũwanũbũ ẽ huniki, huni dauya keskairã. Hakia: “Ẽ txakabumaki”, ikĩ xinaĩbu hatu merabewatanũ ika ẽ huamaki— hatu waniki.

1 Samuel 15:22

hanushũ Samuelĩ yuikĩ: “Senhor Deusũ betxipai benimamisrã, nũ ha nĩkakĩ nũ ashuaĩ besti betxipaimiski. Hamẽ ha inabu sheni menukĩ keyushũmisbu inũ hawẽ kẽwãti nami pitxãshũ pimisburã, hawẽ Senhor Deus benimai beshmasmiski. Habũ Senhor Deus nĩkakĩ ashũkubaĩmisburã, habuwẽ benimahairamiski, txashuwã sheni inũ hawẽ nami menukĩ keyushũmisbu binuarã.