Salmos 40:10 - Kaxinawá Bíblia (BR)

¹⁰ Haska mĩ yunuti kushipa kanetima mĩ pe unãmiswẽ taea ẽ hawa yuiama ismaki. Mĩ ea henekĩ putaisma inũ mĩ mekenã pepa piskumanikakiri ẽ txanikũkainaii. Minabu itxapa bebunua hãtxai haska mĩ nuikipa inũ, hãtxa kayabi besti mĩ yuimis shabakabi hawa huneama ẽ hatu yuipakeaii, hawa heneamarã.

Salmos 40:10 Referencias Cruzadas

Salmos 22:26

Habu nuitapabiai keĩsbumã pikĩ yaniwai pepeshãkanikiki. Matubũ mã Senhor Deus benairã, haki nukutã mã kẽwãshanaii, bari itxapa hiwekũkaĩkinã.

Salmos 34:6

Nuitapakĩ ẽ Senhor Deus kena ea nĩkakĩ kemakĩ ẽ bika teneai dasibi ea putamaniki.

Isaías 49:6

Deusũ yuikĩ: “Hau Jacó enabu shukua pakea tibi habu Israel teshenibu habu besti anu merabewakĩ ea anu mĩ hatu txĩtũmashanũ mĩ ẽ tsuma katushũ ẽ mia yunuama iniki. Hakia txaihaira mai pakea anu hiweriabu haska haburi mekekĩ piskumakĩ mĩ hatu yusĩbaũshanũ bĩ ewapa txasha keska ẽ mia yunuriaii”, ikaya

Ezequiel 2:7

Ẽ hãtxa danãhairai eki sinatamisbũ mĩ hãtxa mia nĩkakanimẽkaĩ, mia nĩkabumabiakẽ habiaskabiakẽ ẽ hãtxa hatu yuikubaĩshãwẽ.

Miquéias 7:20

Haska nukũ shenipabu Abraão inũ Jacóbe mĩ yubakani keska wakĩ, Senhor Deusuũ, merabewakĩ nukuwẽ nuikĩ mĩ yubakani hãtxa nuku hakimawayamakubaĩshãwẽ.

Lucas 3:6

hanushũ Deusũ merabewati hua dasibibũ uĩshãkanikiki’ ”, akĩ haska yuini keska wakĩ Joãonẽ akĩ hatũ txakabu Deusũ hau ana xinãyamakubaĩshanũ txakabu henekĩ hatũ xinã betsa watã hawenabu hawẽ unãmati João yukakĩ: “Ea naximawe”, hau ea anũbũ ishũ Joãonẽ hatu yusĩkubainikiaki.

João 1:17

Haskawẽ taeshũ bebũkiri Deusũ Moiséswẽ hawẽ hãtxa nũ ha txibanũ nuku yununiki. Hakia txanima hãtxa haya inũ hawẽ nui abunameti kayabi huirã, hanua nũ binũ Jesus Cristowẽ taea besti huaki.

Romanos 10:3

Hakia haska Deusũ nuku pepawamis ha txibãkĩ ikũwãma hatũ xinã besti txibaĩ keĩ ibubis pepai beparamei shabakabi kẽmisbuki, Deusũ besti tsuara ma pewashũ hakiri pe besti yuitiru unãmarã.

Filipenses 3:9

haki nukutã haki dasirã. Haska inũ, Moisés hãtxa txibaĩ hawẽ nuku ibubis nũ pepahairakũkaĩkatsis ikaiwẽ en dayamiswẽ ea akama Cristo ewẽ nui eki nukutã ea xinã betsa wama ẽ ikũwãniwẽ taeshũ Deusũ hawena ea wakĩ ẽ txakabu ea buashunikẽ Jesus besti ẽ txibãkubainaii.

1 Tesalonicenses 1:8

Matũ dukũ ikũwãkĩ nukũ Shanẽ Ibũ kaka pepa mã txibãkĩ hatu uĩmaya Macedônia inũ Acaia besti anuama hakia matũmebiri Deusũ hãtxa ma tapĩtã matũri mã hatu yusĩayã paai mae betsa betsapa anuabũ mã haska ikũwaĩbu habũ matu nĩkakĩ keyubaunaibũ nũ ana hawa hatuki txanitirumaki, mã ma hatu amayarã.

1 Timóteo 1:15

Na haskarã, txanima kayabiki, tsuabũra ikũwãtiruburã. Ikũki Jesus Cristo mai anu tashnirã, txakabu wamisbu hau Deusũ hatu kupiyamashanũ hatũ txakabu buatã hatu mekẽnũ ika huniki. Hamẽ eãnã, txakabu wakĩ yura dasibibu ẽ binuhairaniki.

Apocalipse 22:17

hanua nũ Txashuwanẽ aĩnẽ habũ nũ ikũwaĩbunã, Yushĩ Pepabetã Jesus yuikĩ: “Huriwe!” nũ ikaya tsuabũra nuku nĩkakĩ: “Hau hurinũwẽ!” hau irianũbũwẽ. Ha inũ, tsuabura ũpash manui keskakĩ Deus benakĩ Jesus txibãkatsis ikĩ hau ikũwanũbũwẽ. Haska watã hawẽ ũpash hiwemati haya hau aki benũbũwẽ, hawa pakamarã.