Salmos 37:25 - Kaxinawá Bíblia (BR)

²⁵ Ẽ berunãtũ uini inũ natiã mestebukĩ ẽ uĩkubainairã, huni pepabu Senhor Deusũ henebainai ẽ uĩsmaki. Hanua hatũ bakeburi hawa ea iki daketapai mapuaibu ẽ hatu uĩsmahairaki.

Salmos 37:25 Referencias Cruzadas

Gênesis 17:7

Mia inũ mĩ bakebu inũ mĩ bababu inũ dasibu minabus ipakeshanaibu ẽ hatukiri yubakariaii, niti ikamarã. Ikis ẽ mĩ mekenika Deuski. Mĩ ma mawakẽ txipu ẽ habũ Deus iriashanaii, hatu merabewakubainirã.

Jó 4:7

Eska keska mia yuinũ nĩkawe. Huni pepa bestitxai hawẽ hamapai Deusũ mebĩkĩ yamawairã, mĩ ma uinimẽ? Shinãwẽ. Deusũ haska waismaki.

Salmos 37:28

Senhor Deusũnã, hamapai pepabu betxipaimiski. Habu haki txiti ika txĩtuãbumarã, hawa hatu heneismaki. Hamẽ tsuabura txakabuburã, hatu yamawakẽ hatũ bababuri hayama washãkanikiki.

Provérbios 13:22

Huni pepabu mawakĩ hatũ yusiã pepa inũ mabu pepa hawẽ bababu heneshũbaĩmisbuki. Hakia hunĩ txakabuwamisbũ mabu itxapa itxawashinarã, mawaya huni pepabũ bikĩ ibuwashãkanikiki.

Hechos 21:16

Cesaréia anua ikũwaĩbu hatiri nukube buxĩshũ huni betsa Chipre anua kaĩni hawẽ kena Mnasom ma bari itxapa Jesus ikũwãpakemistũ hiwe Jerusalém anu nũ habe iyunũ nuku hari iyukĩ

Hebreus 13:5

Haska inũ, hawẽ mabu itxa wanũ ika peiwẽ kemuama hawara besti mã hayawẽ benimakubaĩkãwẽ, Deusũ nuku yubakĩ: “Ẽ matu putama inũ ẽ matu henetaskama ishanaii”, iniwẽ taearã.

Josué 1:5

Mĩ hiweyua hatube detenameaya tsuãra mia binutirubumahairaki. Ẽ Moisés merabewakubirani keska wakĩ habiaskari ẽ mia merabewakubaĩshanaii, putakĩ hawa henebainamarã.

1 Samuel 12:22

Senhor Deusũ matu hawenabu waniwẽ taeshũ hawẽ kena pepawẽ shinã betsa wama matu henebainamaki.