Salmos 34:4 - Kaxinawá Bíblia (BR)

⁴ Datekĩ Senhor Deus ẽ benakĩ yuka ea nĩkakĩ kemaya ha hawẽ ẽ dateai ea henemakĩ putamaimaki.

Salmos 34:4 Referencias Cruzadas

Salmos 22:24

Senhor Deusũnã, nuitapaibu hatuki dakekĩ hatu danaĩsmaki. Hanua ea akabu hawa huneama hatuki dakei hatuki petxismaki, Hawara yukabu nĩkatã hatu merabewamiski.

Salmos 40:17

Hamẽ ẽ nuitapai bika betsa betsapa tenebiaya Senhor Deusuũ, ea hakimayamashãwẽ. Senhor Deusuũ, miã besti mĩ ea merabewamiski. Hatishuĩra ana ea manamama hamapai tibi ẽ tea ea hawaira tashnimariwe.

Salmos 46:2

Patxa sakukĩ mai txurũwãkĩ ha mati tibi tsekebaĩ ianẽwã nuahaira merã pukui keyubiaya nũ hawẽ taea nũ hawa dateama ishanaii.

Jonas 2:2

yuikĩ: “Senhor Deusuũ, bika tenehairakĩ ẽ mia yuka mĩ ea kemashuki. Ianẽwã ewapa uke merã mawa keska dakashũ mia yukakĩ: ‘Ea merabewawe!’ iki ẽ mibe hãtxai mĩ ea nĩkashuki.

Mateus 7:7

ana hatu yuikĩ: —Haska inũ, betsarã, tsuãra Deus yukakĩ ea akarã, hawẽ hawara inãmiski. Tsuãra hawara benakĩ Deus yukarã, haki nukumamiski. Tsuãra hawara bi hikinũ ishũ Deus kenarã, bepẽshũmiski. Haskakẽ xinãtxakama Deus ea akarã, betsaki. Hawara mĩ yuka mia ashũtiruki. Benakĩ hawara mĩ yuka mia betximashanikiki. Hawara bi habe hãtxanũ ishũ mĩ kena mia bepẽshũshanikiki.

Lucas 11:9

Haska wakĩ tsuãra Deus yukakĩ ea akarã, hawẽ hawara inãmiski. Tsuãra hawara benakĩ Deus yukarã, haki nukumamiski. Tsuãra hawara bi hikinũ ishũ Deus kenarã, bepẽshũmiski. Hawara mĩ yuka mia ashũtiruki. Benakĩ hawara mĩ yuka mia betximashanikiki.

2 Timóteo 1:7

Deusũ hawẽ Yushĩ nuku inãkĩ yushĩ babu dateti nuku inãma iniki. Hakia hawẽ Yushĩ kuxipa pepa inũ hawẽ abui nuinameti inũ hawẽ nukũmebi nũ pepakĩ xinãtiru nuku inãniki.

Hebreus 5:7

Ha inũ, nenu mai anu yurabube Cristo hiweyua mawawẽ dateyamanũ ika yumaĩ saĩ iki kashai hawẽ Epa Deusũ merabewatiru xinaĩ habe hãtxakĩ hau hawẽ date yushĩ nemashunũ hawẽ kuxipa ea aniki. Hawẽ Epã hãtxa nĩkakĩ danaĩsmawẽ taeshũ Epa Deusũ haska wai nĩkatã hawẽ date nemashuniki.