Salmos 34:11 - Kaxinawá Bíblia (BR)

¹¹ Senhor Deus duawatikiri matu yusinũ, ẽ bakebuũ, nenu beshũ ea nĩkai bekãwẽ.

Salmos 34:11 Referencias Cruzadas

Jó 4:11

Inawã yuinaka hania atxishũ pitima mawaya hatũ bakeburi sa iki keyumiski. Huni txakabũ bakebu habiaskariabaĩshãkanikiki.

Salmos 23:1

Ẽ Shanẽ Ibu Senhor Deusrã, ẽ mekenãki. Hatũ ea nĩkasama hamapai ea inãkubaĩmiski.

Salmos 32:8

Shanẽ ibu Senhor Deusũ ea yuikĩ: “Mikiri shinãkĩ ẽ mia uiaĩ ea uĩwẽ. Ẽ mia tapĩmakatsis ikaii, hãtxa pewẽ yusĩkinã, haska ẽ shinaĩwẽ haratu bai pe ha katutã mĩ hawẽ kakũkainunã.

Provérbios 1:7

Senhor Deus duawakĩ haki datekĩ hawẽ hãtxa nĩka pewakĩ unanepakĩ tapĩ taewabaĩtirubuki. Hakia tsuara unaĩsmapabũ unanepati inũ yusĩti hãtxa pepa danãmisbuki.

Provérbios 22:6

Na habiatiã matũ bakebu tapĩmakinã, yusiã pepawẽ hatu akãwẽ. Txipu ewatã haska mĩ hatu yusini hawa hene taskama mestebuyabis hawẽ hiwekubaĩshãkanikiki.

Provérbios 4:1

Epaã, mã ẽ huni bakebuwẽ taeshũ ẽ yusiã pepa tapĩkĩ ẽ hãtxa ea nĩkakĩ matũ hiwea pewakubaĩkãwẽ, hawara pepa inũ hawara txakabu unãti wakinã.

Provérbios 7:24

Haskakẽ epaã, ea nĩka pewakĩ ẽ hãtxa shinãkubaĩshãwẽ.

Provérbios 8:17

Tsuabũra ea betxipaiaiburã, eãri ẽ hatu betxipaimiski. Tsuabũra ea benai eki nukumisbuki.

Provérbios 8:32

Ea unanepa ẽ matũ epa keskaki. Natiã ea nĩkairakãwẽ. Ẽ akubaĩmis ea txibaĩ mã benimakũkaĩshanaii.

Isaías 28:9

Patapakirã habu eanu bea hãtxakĩ yuikĩ: “Neri tashnikirã nuku yusĩwẽ. Haska Deusũ mia uĩmai nuku yusĩwẽ. Nukuburã, nũ bakeishta keskamẽkainã,

João 13:33

—Ẽ bake kayabibuũ, ana hatishuĩra ẽ matube niamaki. Hakia usha eskarabes ka ea benakĩ mã ea betxiama ishanaii. Haska judeu shanẽ ibubu ẽ yuixina keskarã, ẽ maturi yuiai ea nĩkakãwẽ. Hanu ẽ kai anu mã katirumaki.

2 Timóteo 3:15

Mĩ bakeixta Deusũ hãtxa pepa meribi mia yusĩkĩ mia tapĩmakĩ hawẽ besti pashati Jesus Cristokiri mia unãmabu nĩkakĩ mĩ ikũwãnirã, xinaĩrawe.