Salmos 33:17 - Kaxinawá Bíblia (BR)

¹⁷ Cavalowẽ kushibiabaĩmisburã, hawẽ hiwei tsua pashatirubumahairaki. Cavalo kushipahairabia haki txiti ibiamisbu hawẽ hiwei tsua pashatirumaki.

Salmos 33:17 Referencias Cruzadas

Salmos 20:7

Nawa betsabũ hatũ detenameti tarãbaĩti itxapa tanamisbuki. Hanushũ betsabũ hatũ cavalo itxapa tanariamisbuki. Hakia nukubunã, nukũ Senhor Deuski txiti ikĩ ha besti nũ yuimiski.

Salmos 20:8

Ha yura betsabu babutã niri ikaibũ hakia nukuburã, babuama mestẽtã nũ kakũkaĩmiski.

Provérbios 21:31

Hawẽ detenameti pewakĩ hunibũ hatũ cavalo bebũkiri tapĩmakĩ unãmamisbuki. Hakia detenameaibu kushipa wakĩ Senhor Deusũ hatu merabewakĩ binumamiski.

Isaías 30:16

Haska shinãma hãtxakĩ yuikĩ: “Nenua ẽ haskakatsi ikamaki. Cavaloki katsaumetã ẽ pashai kaii”, mã ikaya Peki. Txanima haskai mã pashatirubuki. Ana matũ yuikĩ: “Cavalõ tarãbaĩtiki tsautã nũ kushimabaĩshanaii”, mã ikaya Peki. Txanima mã kushikaini pashayarã, haburi kushibaĩkĩ matu txibãshãkanikiki.

Isaías 31:1

Tsuabũra mã Egito anu merabe yukai mã buaiburã, mã peirashãkãwã! Cavalo itxapa mã hayatiru inũ, haki tarãbaĩti itxapa mã hayatiru inũ, cavaloki katsaumebaĩmisbu mirima mã hayawẽ taea ana tsuki dateama haki txiti itã shinãkĩ mã ikũwãtirubia harã, hamẽki, Israelĩ Deus meribi anu txĩtũkĩ mã shinã betsa wai uĩmakĩ benakatsi ikamarã.

Juízes 4:15

matxatu txaipa kenuhairawẽ Balaquenẽ detenamenikabu hatube detenamekĩ taewaibũ Síserã cavalo tarãti mẽtsisipabu mapekebainaibu inũ hawẽ maĩ buaibu detenamenikaburi Senhor Deusũ hatu mesewakĩ date paepa mistua haska uĩtã hawẽ cavalo tarãtikia Sísera butui pashai kushikainaya