Salmos 33:10 - Kaxinawá Bíblia (BR)

¹⁰ Nawã Deus ikũwãbuma dayakĩ haska betxipaikĩ hatũ mae anu daya ewapa tashnimatã hawẽ hiwebainaibũ Senhor Deusũ hatu betxipaiama nemakĩ beshtekubaĩmiski.

Salmos 33:10 Referencias Cruzadas

Gênesis 11:8

hatu hãtxa pashkakĩ betsa betsapa wa mai hirabi anu hau pashkanũbũ Senhor Deusũ hatu betsa wa mae ewapa wabiai hatũ daya henebainibukiaki.

2 Samuel 15:31

Aitofel unanepatũ Davi merabewakubainima ana merabewama hakia natiã Absalão merabewaya Davi yuiabu hau Aitofelĩ haska shinaĩ Absalão amakatsi merabewakubainai hau haska amakatsi ikai Senhor Deusũ kanemashanũ Davĩ Senhor Deus dayuikĩ ea akaya

2 Samuel 15:34

Hakia Jerusalém anu txĩtũkaini kashũ nashi petã tari bena sawetã Absalão huai yuikĩ: “Shanẽ ibuũ, ẽ mĩ dayaruki. Habias mĩ epa ẽ merabewakubainima keska wariakĩ unanepa hãtxawẽ ẽ mia merabewakubaĩshanaii” akĩ haska Aitofelĩ shinãshũkĩ merabewabiamiskẽ miã hawẽ shinã betsa wamakĩ Aitofel ea nemashũkĩ mĩ ea merabewatiruki.

2 Samuel 17:14

haska wa nĩkatã Absalão inũ Israelĩ enabu anibu unanepabu yuinamei: “Aitofelĩ nuku yusiaĩ hãtxa pebia Arqueu nawa Husaĩ nuku yusiaĩ hãtxawẽ Aitofel binumakĩ pewaikiki”, inibukiaki. Absalão txakabuwamakatsi ikama Aitofelĩ yusiã hãtxa pepa Senhor Deusũ hatu txibãmakĩ amama inikiaki.

2 Samuel 17:23

hawẽ yusiã hãtxa nĩkatã ashuãbumawẽ taea Aitofelĩ unãtã punu nukai huĩti nishmatã hawẽ jumentoki katsaumekaini kaĩkaini hanua kaini anu kashũ hanushũ hawẽ hiwe inũ hawẽ mabu inũ hawẽ yunu bai betsa betsapa hawenabus hatu yunu keyutã habiatiãri dispi bua hiki neshatã ibubis tenesheketã mawa hawẽ epa maiwanibu dapi maiwarianibukiaki.

2 Reis 6:9

hatũ shinã haskaibu Eliseũ unãtã Israelĩ enabu shanẽ ibuhaira anu Eliseũ hawẽ hãtxa bumakĩ yuikĩ: “Síria nawa detenamenikabu hari huneshũ matu detekatsis iki manaibuwẽ taea hari buyamashãkãwẽ”, hatu wa

Neemias 4:9

taea hau Deusũ nuku merabewanũ Deus ea atã shaba inũ meshu merã tibi hau habũ nuku uĩkĩ nuku mekekubainũbũ nũ hatu nitxĩbauna

Provérbios 21:30

Unanepa inũ, tapinika hãtxa inũ, yubakai penikã habũ Senhor Deus yuibiakĩ binukĩ maematirubumaki.

Isaías 44:23

Isaías benimakĩ yuikĩ: Senhor Deusũ hawẽ kushipa matu uĩmakĩ Jacó enabu Israelbu ma ana hatu mebikinãki. Naiĩ, Senhor Deusũ hatu haska waiwẽ taea benimakĩ kẽwãkãwẽ. Mai kini keyatapahairatuũ, benimai sai ikãwẽ. Mati tibi inũ ni shukua inũ dasibi hi mapubaunabuũ, hawẽ kushipa uĩ benima txakayamai kãtakãwẽ.

Isaías 44:25

Ha inũ, huniburã, ẽ hatube hãtxamabia haskashanai txanimisbũ hãtxaibu nĩkakĩ unãtã hatũ shinã ẽ nemamiski. Habu unanepai txanimisbu hatũ shinã ẽ hawama wamiski. Huni unanepakĩ yusiaĩbu ẽ hatu hamakiri yuimamiski, unanepakĩ atirububiakẽ hatũ hãtxa inũ hatũ shinã hamẽ wãkinã.

Malaquias 1:4

hakia Esaú enabu Edom nawabu yuinamekĩ: “Nukũ maiwã pakekauana Deusũ txakabuwabiani ana bena wakĩ nũ pewakubaĩshanaii”, ikaibu hatu nĩkatã ea Senhor Deus kushipahaira dasibi binuatũ hatu kemakĩ: “Matubunã, matũ mai pakea mã ana bena wabiaya ẽ ana matu txakabuwãkĩ keyushanaii”, ẽ iniwẽ taeshũ hatũ mai pakea kenakinã: “Mai pakea txakabuwẽ yupuni maiki”, ashãkanikiki. Hanua: “Ha Esaú nawabuki Senhor Deus sinatatiani hawa hatu heneama hatuki sinatapaketi warianiki”, hatu haska wanikẽ