Salmos 32:11 - Kaxinawá Bíblia (BR)

¹¹ Mã Deusũ tsuma matukiri pe hãtxamisbu pepabuũ, benimahairakĩ Deus kãtashũkĩ kẽwãkãwẽ.

Salmos 32:11 Referencias Cruzadas

Salmos 32:2

Tsuara Senhor Deusũ hawẽ txakabuwẽ taeshũ ana hawẽ txiteamawẽ taea ha huni ana shinã txakai bika teneamawẽ taea benimakũkaĩmiski.

Salmos 33:1

Mã Deusũ tsuma pepabuũ, Senhor Deus benimawai kãtashũkãwẽ. Matũ huiwẽ Senhor Deuskiri kãtakĩ mã hawẽruawaya Senhor Deusũ betxipaimiski.

Romanos 5:11

Natiã nukũ Shanẽ Ibu Jesus Cristõ hawẽ Epa Deus hatũ nuku haibu wamakĩ daewamani unãnuma hiwekĩ txanima hawẽ taeshũ benimakĩ Deus nũ kẽwãkubainaii.

Filipenses 3:1

Ẽ betsabu inũ ẽ puibuũ, Jesusũ nuku mekeawẽ taea benimanãkãwẽ. Ẽ matu yuiyamarã, habiaskari ẽ ana matu keneshunairã, enarã bikamaki. Matu keneshũkinã, mã hawẽ hiwenũ merabewakĩ ẽ matu ashuaiĩ.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.

Filipenses 4:4

Nukũ Shanẽ Ibu ikũwaĩnã, benimarikãwẽ. Ana habias ẽ matu yuaii. Heneama benimarikãwẽ!

1 Samuel 2:1

Eska hãtxawẽ Anã Senhor Deus kẽwaĩ kãtakĩ yuibaĩkĩ: “Senhor Deusuũ, mĩ ea kushipa bena inaĩwẽ taea mia shinaĩ ẽ huĩti benimaii. Mĩ ea merabewaimawẽ taeshũ eki kashemisbu hatu binui benimahairakĩ ẽ hatu txitetiruki. Mĩ ea merabewaimawẽ taea ẽ benimaii.