Salmos 27:4 - Kaxinawá Bíblia (BR)

⁴ Senhor Deusuũ, eska bestikiri ẽ mia yukaii, haska ẽ betxipaiairã. Senhor Deusuũ, bari tibi ẽ hiweawẽ mĩ hiwe merãshũ mĩ kushipa hawẽrua shinãkĩ ẽ mia kẽwãkatsis ikaii.

Salmos 27:4 Referencias Cruzadas

Salmos 23:6

Mĩ duapa inũ mĩ nuikipawẽ ea putama mĩ ebe nikũkaĩmiski, hatishũ ẽ hiweaitianã. Hanua mĩ ẽ shanẽ ibuwẽ taea atimas mĩ hiwe anu mapekea ẽ hiwepakeshanaii.

Salmos 27:8

Ẽ huĩtinĩ mikiri ea yuikĩ: “Senhor Deus benai haki nukuwe”, ea wa haskawẽ taeshũ miki nukunũ, iwanã, mĩ ẽ Deus ẽ mia benaii.

Salmos 65:4

Haratura yura mĩ hiwe meribi anu mia dapi hiwemakĩ katushũ mĩ iyua benimakũkaĩmiski. Betsa betsapa pehairawẽ mĩ hatu duawarã, mĩ hiwe meribi anua nũ pe hiwekatsis ikaii.

Salmos 84:10

Mĩ hiwe hemaĩtĩ kenekauana merã shaba betsatiã ẽ hikia pehairaki. 1.000 shaba nũ hanira hamẽ nimis binuaki. Ẽ Deusũ hiwe hawẽ beputi kesha nishũ ẽ hatu bepũshũkubainairã, txakabu anu hiweabu ẽ hatube dasia binuaki.

Salmos 84:4

Tsuabura mĩ tari hiwe merã hiweirã, benimamisbuki, harishũ mia kẽwaĩ hawa heneamarã.

Jeremias 29:13

Tsuãra ea benai mã eki nukushanaii, matũ huĩti hirabiwẽ ea benai eki nuirã.

Mateus 6:33

Hakia hawara Deusũ abuai txibãkĩ ha dukũ Deus shanẽ ibuwakĩ xinãkubaĩshãkãwẽ. Mã haska wai ha katxu hawẽ hiweti piti inũ tari mã hayakũkaĩshanaii, Deusũ matu merabewarã.

Lucas 10:42

Ea duawairã, haskatimaki. Hakia Mariã ẽ yusĩa nĩkakĩ ea duawai tsuã nematirumaki— anikiaki.

Lucas 13:24

—Haa. Txanimaki. Ea txibãkatsis iki menã xinã mestẽwãtã hanu hikiti shui haxu anu hikikãwẽ, txipu itxapa hikikatsis ibiai hikitubuma ishãkanikiki. Haska ẽ matu yuiaii.

Lucas 18:1

hanushũ hawẽ tsumabũ Deus kuxipa yukai hau punu nukayamashanũbũ miyuiwẽ Jesusũ hatu yusĩkĩ

2 Coríntios 3:18

Haskakẽ dasibi nũ Jesus Cristo ikũwaĩburã, ha yusĩniwẽ nukũ besu inũ nukũ xinã nuku ana bepuamaki. Nukũ Shanẽ Ibũ nukũ xinã nuku betsa wakubainaya hawẽ kuxipawẽ ha itsa nuku wakubainikiki. Unãshubira nukũ hiwea betsa wakĩ nuku pewakubainikiki. Nuku haska wakĩ nukũ Shanẽ Ibũ hawẽ Yushĩ Pepawẽ nuku hatu uĩmakubainikiki.

Filipenses 3:13

Ẽ betsabu inũ ẽ puibuũ, ẽ pepai keyuriamabia haska ẽ hiwea sheni ẽ ikũkaini hakimai txipu watã unuri ẽ hiwekuĩkatsis ikaiwẽ taea hariri uĩbaini bikabiakẽ nĩkamas ẽ txĩtuãmaki.

1 Timóteo 5:5

Aĩbu ewa beneyabianibũ Jesus Cristo ikũwaĩ hawenabu hayama Deusũ hau hatu merabewanũ haska manakakĩ bariri inũ mexu merã Deus kẽwãkĩ habe hãtxakĩ hawẽ piti inũ hawẽ mabukiri yukamisbuki.

Hebreus 11:6

Ha inũ, tsuabũra Deusũ hãtxa ikũwãbumarã, haskatã Deus benimawatirubumaki. Hakia tsuabũra Deus hiwea haya inũ hatũ hatu manakushanai benakĩ hau ikũ besti wakubainũbũwẽ.