Salmos 24:1 - Kaxinawá Bíblia (BR)

^1-2 Senhor Deusũnã, haki hanakatsi mestẽwãkĩ teawakinã, hene itxawakĩ ianẽwãri pewashũ dasibi mai hirabi haki hananiki, hau haska ikũkainũ yunukinã. Haskawẽ taea Senhor Deusrã, mai hirabi hawenaski. dasibi haki haya inũ dasibi hawẽ hiwebaunaburã.

Salmos 24:1 Referencias Cruzadas

Jó 41:11

Dasibi nai namã haya enaski. Haskawẽ taeshũ haska betxipaikĩ ẽ amiskiri tsuãra ea txitetirumaki.

Jó 41:3

Hawẽ daewati hãtxawẽ hau mĩ hawẽ nuinũ tsatsakapetãwanẽ mia ea akĩ yukatiru mĩ shinaĩ?

Êxodo 19:5

Hanũkaĩ ẽ hãtxa nĩkakĩ ẽ yubati hãtxa mã txibãkubainaya mai hirabi enaswẽ taeshũ nawa shukuabu tibi anua ẽ matu katuni enabu pepabus mã ikũkaĩshanaii.

Êxodo 9:29

Moisĩ yuikĩ: —Senhor Deus shanẽ ibui mai hirabi hawenasrã, mĩ unanũ mĩ mae ewapa anua kaĩkaini kashũ Senhor Deus naiuria ẽ mekẽ sanãshũ ẽ mia yukashunaya kana tĩ ikaĩkaini nesei barush ui maĩ ana niri ikamaki.

Daniel 4:25

Mĩ shanẽ ibubiakẽ txai tari yurabu pashkatã mĩ hiwenũ mia nitxiãbu inabube hiweshũ ina awa keskakĩ basi mĩ pikubaĩshanaii, basnũmã mĩ yura txa akubainarã. Deus kushipahaira dasibi hatu binua yurabũ shanẽ ibu hatũ tsuara shanẽ ibu wakatsis ikĩ hatu betxipaikĩ katumis mĩ tapĩriama yuinaka keskai 7 ano hiwekũkaĩkĩ atimas tapĩtã mĩ unãshanaii.

Miquéias 4:13

“Yura shukuabu itxapa teke teke akĩ shemekĩ mã hatu akawashanũbũ ina awa bene kushipa mane ferro mashũ inũ mane bronze hũtsisya keska wakĩ pubẽ wãkĩ eã ẽ matu mesewashanaii”, akĩ “Senhor Deusũ matu yuiaiwẽ taeshũ Sião anu hiweabuũ, benitã hatuki pai pai ishãkãwẽ. Hatu itxakawakĩ hatu detetã mane ouro inũ mane prata inũ mabu pepa itxawanibu hatu anua mebĩkĩ keyutã, ẽ ea mai hirabi shanẽ ibu mã ea meribi wakubaĩshanaii”, itã