Salmos 23:3 - Kaxinawá Bíblia (BR)

³ Ẽ babuai ana ea kushipa wakĩ ea benimawamiski. Hanu ẽ kanũ bai pepawẽ ea iyukubaĩmiski, Hawẽ kena kushipa duawakĩ ẽ hatu uĩmamiski.

Salmos 23:3 Referencias Cruzadas

Salmos 19:7

Senhor Deus yusinananirã, kanema pehairaki, Hiwea bena inananãmiski. Hawẽ yunua betsa waisma ikũ kayabiki. Yurabũ hawa unãriama pepabu unanepa hatu wamiski.

Salmos 34:3

Senhor Deusũ kena ewapawai hui kushipawẽ ebetã kẽwãkãwẽ.

Salmos 51:10

Ẽ Deusuũ, ana ẽ huĩti bena shũpĩ ea wakĩ ẽ yushĩ bena wakĩ ana ea txĩtũtimawawe.

Salmos 51:12

Ẽ benubiaya mĩ ea merabewakĩ piskumani keska ana shinã bena inãkĩ ea shinã txãkãwãwẽ. Mĩ yushĩ itxakanikamawẽ ea tsumawe, ẽ haskariakũkainunã.

Provérbios 4:11

Unanepa hãtxa ẽ mia yusiaĩwenã, hawẽ ẽ mia iyu pewashanaii, bai pepa mia txibãmakinã.

Provérbios 8:20

Ẽ ea unanepa kairã, bai pepa yushtumawẽ kakĩ hawa hatu kanemama yunuti kushipa ẽ hatu unãti wamakubaĩmiski.

Isaías 42:16

Beshushbu hatu iyukinã, bai tanamabaĩkĩ hanu uĩ buisbuma anu ẽ hatu iyushanaii. Meshu anu buaibu hatu bebũshũ bĩ hatu txashawashũkĩ mai txakabu pãpa wakĩ bebũkiri hawamawakĩ ẽ hatu pewashũshanaii. Na habu haska tibirã, hawa yupatirubuma ẽ hatu ashũshanaii.

Efésios 1:6

Haska nuku wakinã, Deus duapahaira nũ hawẽ kẽwãpakeshanũbũ nuku haska waniki, hawẽ bake abuniwẽ nukuri hawẽ duawanũ ishunã.

Apocalipse 3:19

Ha inũ, dasibi mã enabuwẽ nuikĩ matu merabewa bestinũ ishũ hãtxa kuxipawẽ matu ha akĩ ẽ matu yusĩshuwẽ taeshũ ẽ yusĩa nĩkakĩ pewatã matũ xinã betsa watã xinã txãkãhaira bestikũkaĩkatsis ikirã, Deus anu berikãwẽ.