Salmos 2:9 - Kaxinawá Bíblia (BR)

⁹ Mane mestẽti tsumashũ shanẽ ibu kushipa dasibibu mĩ hatu yamawashanaii, haska mai kẽti wanikatũ hawẽ kẽti txakabukẽ ibuã pusamis keska wakinã’ ”,

Salmos 2:9 Referencias Cruzadas

Isaías 30:14

Mai shumuwã txakabui pusi tureke tureke itxakayama hawa hawẽ ture betsa bitã txi dekẽ hawẽ beatirubuma inũ ture betsawẽ ũpash kini anua mã ũpash bitirubuma keska mã haska keskai yamashanaii.”

Isaías 60:12

Mai pakea betsã habũ matu betxipaisma habu yamai ana hayama ishanikiki”, iwanã,

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Daniel 2:45

Ha haska mishkiri yuiarã, mĩ uiãyã mati keyatapa anua mishki ewapa bestitxai tsuã meshte meshte akama ibubis tsekekirani mati anua taramekirãkĩ mane ferro inũ, mane bronze inũ, mapu bawa inũ, mane prata inũ, mane ouro haki tĩ ikĩ dasibi mishpu wakĩ keyua keskashanai mĩ shanẽ ibuhaira Deus kushipahairatũ mia unãkĩ mia uĩmashinaki, haska tashninũbariairã. Mĩ namashina txanimahairaki. Ha inũ, ẽ mia nĩkamakĩ yuiairã, txanimariki— aka

Miquéias 5:8

Haskabiaibũ yuinaka shukua inu betsa leãonẽ hatu atxitiruki. Ina txashuwã shukuaburi hatu atxiriakĩ hawa betsa heneama tetsã akĩ tenãmisbu keskai yurabu shukuabu betsa betsapa mirima anu Jacó enabu hiwebaunabu habiaskariai kushipariashãkanikiki.

Mateus 21:44

Ha inũ, betsarã, tsuara ha mixkiki sinatakĩ ea maemanũ ika mixki mamaki kawana teke teke ika keska itiruki. Hakia ha mixki haratukira kawani haki tĩ ikĩ txuxakĩ mixpu washanikiki— hatu waya

Apocalipse 12:5

ha aĩbu anua huni bake kaĩtã ewatã nawa betsa betsapa dasibi binukĩ habũ Deus nĩkabuma hawa kaneama kupi hau shanẽ ibushanũ ha bakeixta kaĩa sheanãtũ shẽapanã iyukĩ hawẽ shanẽ ibũ tsauti anu Deusũ pashawakĩ ainikẽ

Apocalipse 19:15

Ha Shanẽ Ibu kairã, shanẽ ibu yununika mane kuxatia inũ hawẽ hashpa anu nupe txaipa kenuhaira kaĩa tukũwã hawẽ habũ Deus nĩkaisbuma mai hirabi anuabube hatube detenamei kairã, haskawẽ taea ha Shanẽ Ibu kayabistũ hamebi ha hatuki Deus sinatai hatu uĩmakĩ haska uva vinho tsinikĩ pema pema amisbu keska wakĩ Deus kuxipa binu keyuatũ hawẽ pubẽ pae hatu memai kaikiki.