Salmos 2:12 - Kaxinawá Bíblia (BR)

¹² Ha inũ, hawẽ bake kẽwãkĩ pepawakubaĩkãwẽ, mã nĩkamawẽ taea hawaira matuki sinataya hau bai namakishũ matu tenãyamanunã. Hamẽ tsuabũra Deusũ Katua betxipaikĩ mekemakubaĩmisburã, habu besti benimakubaĩmisbuki.

Salmos 2:12 Referencias Cruzadas

Gênesis 41:40

Haskawẽ taeshũ Egito mai pakea hirabi anushũ habia mia ẽ mia katuaii. Mĩ ẽ yunua akai enabũ mia nĩkatã ẽ hiwe ewapa hawẽrua anu inũ ẽ mai pakea dasibi anushũ mia uĩkĩ hau dasibibũ mĩ yunua txibãkubaĩshanũbũwẽ, hamẽ earã, ẽ shanẽ ibuhaira bestikirã, mia binuarã— atã

1 Reis 19:18

Habiaskabiakẽ enabu Israelĩ enaburã, Acabe shanẽ ibuaitianã, habũ yushibu Baal dami kẽwaĩ ha bebũ dãti ika dakashũ hawẽ tae hutsu hutsu akama ikubainimabu 7.000 yurabu ẽ hatu heneshanaii, hawa hatu tenã keyuamarã”, aka

Salmos 1:6

Hakia hawara Deusũ betxipaiai yurabu pepakĩ txibãmisbu Senhor Deusũ hatu mekekubainaya habũ Deus txibaĩsbuma hani pashati hayama benuhairashãkanikiki.

Salmos 2:5

Hanua hau haki datehairashanũbũ hatuki sinatahairakĩ hatu yuikĩ:

Salmos 2:7

Senhor Deusũ haska wani ekiri shinaĩ matu yuinũ nĩkakãwẽ: “Ẽ hawẽ Katua ea yuikĩ: ‘Mĩ ẽ bakerã, natiã ẽ hiwea mia inãkĩ ẽ mia yunuaii.

Salmos 34:8

Ibubis Senhor Deuski txiti ikĩ unãkãwẽ. Senhor Deusrã, merabenã pepahairaki. Tsuabũra haska wai haki txiti ika ha huni benimakũkaĩmiski.

Salmos 34:9

Senhor Deuski txiti ikĩ duawai haki mesei ha keskai pepakubaĩkãwẽ. Tsuabura haki mesekĩ duawakĩ kẽwãkubainaiburã, hawara pepa akaibu hatu danãma nĩkakĩ inãkubaĩmiski.

Salmos 40:4

Tsuara nĩkaisma hãtxa binumanikabe niama inũ habũ kẽwãti betsa kẽwaĩ txanitxakaibu anu kaisma habu Senhor Deus ikũwaĩ txiti imisburã, shinã txãkaĩ benimakubaĩmisbuki.

Salmos 84:12

Senhor Deus kushipa dasibi binu keyuatuũ, tsuara miki txiti ikĩ mia ikũwainã, benimakanikiki.

Provérbios 16:20

Yununika pepatũ hamapai akĩ pewairã, hawẽ daya pewakubaĩkĩ ewa wamiski. Tsuãra Senhor Deus ikũwãyã benimawakĩ hatu duawamiski.

Isaías 30:18

Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

Romanos 10:11

Haska inũ, Deusũ hãtxa yuishunika Isaísĩ kenekĩ: “Tsuabũra Messiasĩ hãtxa ikũwãkĩ txibaĩbu ẽ hatu hawa dake wama ishanaii”, aniwẽ taeshũ

Romanos 9:33

Na habias yusĩa Messiaskiri Deusũ hawẽ hãtxa yuishunika Isaías yuimakĩ: “Uĩa. Ẽ haska yubakani ẽ kuxipa mixki keska Jerusalém anu ẽ nitxĩshanaii, haki huti iki itxapabu tsakabaĩbaini tĩ ikubaĩshãkanikiki, ikũwãmarã. Hakia tsuabũra hawẽ hãtxa ikũwãkĩ txibaĩbu ẽ hatu hawa dake wama ishanaii”, aka nĩkatã hari kenerianiki.

Efésios 1:12

Deusũ nuku dukũ katukinã, ha dukũ nukũ xinãwẽ Cristo nũ manashanũbũ nukukiri xinãmati waniki, haskawẽ taeshũ dasibibũ hawẽ kuxipa pepa nũ kẽwãkubaĩshanũbunã.

1 Pedro 1:21

Haskakirã Cristõ hawẽ Epã hãtxa matu unãmaiwẽ taeshũ mã Deus ikũwãnibuki. Haska matu wabiaya tenãbu Deusũ ana bestẽwãkĩ Shanẽ Ibu wani na habiatiã matũ xinãwẽ hakiri ikũwãkĩ Deusũ hiwekuĩa matu inãshanai mã haki txiti ishũ manakakubainaii.

1 Pedro 2:6

Haskai kaikiri hawẽ yuishunika Isaías Deusũ yuikĩ: “Uĩa. Katushũ hawẽ hiwe mestẽwãti mixki pepa keska shanẽ ibu kuxipa Jerusalém anu ẽ tashnimashanaii. Hawẽ hãtxa habũ ha ikũwaĩbu eã ẽ hatu dakewama ishanaii”, aka nĩkatã keneniki.

1 Samuel 10:1

hanua ha dabe niti itã bishtu oliva sheni mata Samuelĩ bitã Saul mashu atã hatũ beya txibãkĩ tãtsu akĩ yuikĩ: —Senhor Deusũ mia katukĩ meribi waikiki, Israelĩ enabu, hawenabukirirã, shanẽ ibushũkĩ mĩ hatu yunubaĩshanunã. Hatu yunukubaĩkĩ tsuabura hatuki sinatakĩ minabu itxakawakĩ bika tenemakubaini hatu dapi hiwebaunabu nemakĩ hatu henemakĩ keyukĩ Israelĩ enabu mĩ yunukubaĩshanaii. Eska ikis ẽ mia yuiai keska mĩ haki nuku akeakekainai ẽ mia shinãmaii, hawẽ unãti tibirã, haska Senhor Deusũ mia ma katua mĩ kairã.