Salmos 15:5 - Kaxinawá Bíblia (BR)

⁵ tsuara pei inãtã ana shekakĩ paraĩsma inũ, huni txakabuwamanũ, iwanã, huni betsa pei inãkĩ yunu txakabu aismarã, haska hiwekũkaĩmisrã, habũ besti hawa txakabuwaisma ea kẽwãtirubuki. Hawa ana txakabu meama tsuã ana hatu parãkĩ txakabuwamatirumaki”, ea waimaki.

Salmos 15:5 Referencias Cruzadas

Salmos 16:8

Eã ẽ mia hawa pashkamakẽ mĩ eberi nikũkainaya tsuãra ea kanemakĩ ea txakabu amatirumaki.

Provérbios 10:30

Huni pepabu hatũ hiwea betsa taska kane hayama ishãkanikiki. Hakia huni txakabubu na mai anu hiwei ikibi ikama ishãkanikiki.

Provérbios 12:3

Hunibũ txakabuwamisburã, ha txakabunã, hawẽ hatu mestẽwãtirumaki, hiwe txibu hayama keskarã. Hakia huni pepabu hatũ hiwea mestẽwãti hi tapũ uke merãhaira beshea keskabuki, tsuã hatu betsetirumarã.

Provérbios 15:27

Tsuãra hawenas besti wanũ, iwanã, mabuwẽ kemukĩ hawenabu duawama ibubis txakabumisbuki. Hamẽ tsuãra hawẽ txakabuwẽ taeshũ shanẽ ibu hune pei inãpaia danãkubaĩmisrã, hiwei pekũkaĩkĩ Senhor Deus benimawamiski.

Isaías 33:15

eskabu besti hiweshũ yuimisbu, habu pashatiruki. Habu pe hiwekũkaĩkĩ hãtxa txanima yuimisbu inũ, habu mabuwẽ kemui hiwekĩ betsabu itxakawaisbuma inũ, mabu inãkuĩ bitã hatu hawẽ parãkĩ hatũ shinã betsa wamaisbuma inũ, pubẽbũ shinã habũ nĩkatã hatu txibaĩsma inũ, txakabuaibu hatu uĩkĩ txibãkatsi ikama bekua keskashũ shinãmisburã,

Ezequiel 18:17

hawa tsua itxakawakĩ txakabuwaisma inũ, pei inãyutã ana hawena bikĩ shekakĩ yukaismarã, ha hunĩ haska wakinã, ẽ yunuti hãtxa inũ ẽ nemati hãtxa shinãkubaĩkĩ ẽ yusĩti hãtxa txibaĩ hatũ ibubũ txakabuwẽ taea hawa mawama ishãkanikiki, ẽ hatu hiwemakubainarã.

Ezequiel 18:27

Hakia huni txakabũ hawẽ txakabu henetã ana parananãma inũ txanitxakama ikũkaini hawẽ hiwea pashashanikiki, ẽ kupiamarã.

Ezequiel 18:8

Ha dikabi pei inãshĩshũ hawena wakĩ ana shekaisbumaki. Hawa tsua bika tenemaisbumaki. Hanushũ hawarawẽ taea yura dabe ha ikaibu kaneama pepawẽ besti hatu unãti wamisbuki.

Miquéias 7:3

Hatũ shanẽ ibubunã, eska hatu wakanikiki. Hatu dayashunũ, iwanã, shanẽ ibu beshmasbũ pei hatu yukakĩ hawena wakubainaibũ shanẽ ibu betsa unãti wanikabũ hune hatu pewakĩ pei bikĩ hatũ txakabuwẽ hatu kupisbumaki. Kushipabũ haska akatsis ikai akubaĩkĩ, maewã hirabi atimapa wakĩ hau txakabu bestinũbũ yusĩkubaĩmisbuki.

Mateus 26:15

hatu yukakĩ: —Jesus ẽ matu atximayarã, hati pei mã ea inãtirumẽ?— hatu wa habu benimakaũ habũ 30 pei heshe prata karuhaira inãbu

João 13:17

Na haska ẽ matu yuiai tsuabũra nĩkatã hawẽ hiwekĩ habũ aki benimakubaĩshãkanikiki.

1 Samuel 12:3

Na habiatiã ẽ nenuki. Haskara ẽ matu akubirãshinamẽkaĩ, ea yuikãwẽ. Tsuã ina awa kasmai jumento ẽ biaĩmamẽkaĩ, bika tenemakĩ tsua ẽ itxakawaimamẽkaĩ, hawa txakabu hau hatu unãyamanũ hune hatũ pei ẽ biaĩmamẽkaĩ, Senhor Deus bebũ inũ matũ shanẽ ibuhaira Senhor Deusũ katuima bebũ ẽ tsuara haska waimarã, shabakabi ea yuikãwẽ, mã huni betsa ẽ haska waima ẽ diriarã, hawara pepawẽ ẽ matu pakairã— hatu waya