Salmos 15:2 - Kaxinawá Bíblia (BR)

² Senhor Deusũ ea kemakĩ: “Tsuabura pe besti hiwekĩ pepas besti akubaĩmisbu inũ, txanitxakakatsi ikama parananaĩsma inũ,

Salmos 15:2 Referencias Cruzadas

Salmos 24:4

Habu hikirã, habũ txakabu meisma inũ hatũ shinã pepa besti haya hikitirubuki. Ha inũ, habũ dami yushibubu duawakĩ kẽwaĩsbuma inũ hamapai tibikiri yubakai hamẽ txanitxakaisbuma hikitirubuki.

Salmos 84:11

Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.

Provérbios 20:7

Huni txanitxakai parananaĩsma pe txibaĩ hiwekũkaĩmis hawẽ bakebũ hawẽ hiwea mawabaini benimakubaĩshãkanikiki.

Isaías 33:15

eskabu besti hiweshũ yuimisbu, habu pashatiruki. Habu pe hiwekũkaĩkĩ hãtxa txanima yuimisbu inũ, habu mabuwẽ kemui hiwekĩ betsabu itxakawaisbuma inũ, mabu inãkuĩ bitã hatu hawẽ parãkĩ hatũ shinã betsa wamaisbuma inũ, pubẽbũ shinã habũ nĩkatã hatu txibaĩsma inũ, txakabuaibu hatu uĩkĩ txibãkatsi ikama bekua keskashũ shinãmisburã,

Isaías 63:8

Deusũ yuikinã: ‘Ha enabu ẽ bakebunã, hawa ea danãkĩ ea txakabuwama ishãkanikiki’, itã hatũ habu piskumaikiki,

Miquéias 2:7

Nũ Jacó enaburã, tsuã nuku yuputirumaki. Deus hĩ hĩ ikama teneshũ nuku manamisrã, ma benuamẽ? Haskamismẽ, Deusrã?” ikaibũ hakia Senhor Deusũ yuikĩ: “Tsuara hiwei pekubainaibu ẽ hãtxã hatu merabewakubaĩmiski.

Hechos 10:35

Na mai anu hiwebaunabu tsuabũra Deus nĩkai haki mesekĩ txibã pewaibu Deusũ hawa hatu danaĩsma ea yusĩxina na habiatiã ẽ ma tapĩaiĩ.

Romanos 2:10

Hakia mã hatiri pe hiwemisbu kẽwãkĩ niti akama unãnuma Deusũ matu habe hiwekuĩmashanikiki, ha dukũ judeubu manakutã hanushũ judeubuma hatu manakuriakinã.

Gálatas 2:14

Haska wakĩ Jesusũ yusĩa kayabi txibãkĩ pewama kaneaibu eã uĩkĩ Pedro hawẽ haibuaibube nia hatu txitekĩ: “Pedroõ, judeubia uatiã judeuma keskai mĩ hatube nishũ pikubaĩxinaki. Haskai natiã hatu beparani ana txĩtũkirã judeubũ beya hau judeubuma mĩ hatu uĩmatxakai?

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

Efésios 4:25

Eskatianã, nũ Jesus ikũwaĩburã, nũ yura bestitxai keskaki. Haskawẽ taea hawara yui mã hãtxairã, ana txani txakai parananãma matunabube shabakabi yuinamekubaĩkãwẽ.

Colosenses 3:9

mã txani txakamisrã. Natiã haska tibi mã ma heneamẽkaĩ, matũ hiwea shenirã. Haskakẽ ana haska Deusũ abuama txakabu tibi ayamakubaĩkãwẽ.

Hebreus 11:33

Betsabũ Deus ikũwãkĩ shanẽ ibu betsabũ mae mebinibukiaki. Betsabũ Deus ikũwãkĩ hatũ mae anu shanẽ ibukĩ hatu pe hiwemakubainibukiaki. Betsabũ Deusũ yubaka hãtxa ikũwãkĩ Deusũ kuxipa bitã hatuna wakubainibukiaki. Betsabu inu pubẽbu anu yunukĩ hatu bitxiabu Deus ikũwaĩwẽ taeshũ hawẽ kuxipawẽ Deusũ hatu nemashuna habu piama inikiaki.

1 João 2:29

Txanima Jesus Cristõnã, hawa kaneama ini mã unaiĩ. Haskawẽ taea tsuabũra hawara Deusũ abuai akubainaiburã, pepabu Deusũ bakebu mã unãtirubuki.

1 João 2:6

Ha inũ, tsuãra yuikĩ: “Ma Deuski dasia ẽ hiweaii”, ikirã, haska Jesus Cristo hiwekũkaini keskai hau iriakubainũbũwẽ.

1 João 3:7

Ẽ bake keskabuũ, hau tsuã matu parãyamanũ ẽ matu yuiai nĩkakãwẽ. Jesus Cristo pepa ikũkaini keskakĩ tsuãra txibãkĩ pepa akubainairã, ha hunirã, hawẽ xinã pepariki.

Apocalipse 21:8

Hakia hamẽ ekiri hãtxabiai eki dakemis inũ, eki petxia hawa xinaĩsbuma inũ, yura betsabe danãnanãmisbu inũ, yura betsa tenãmisbu inũ, txutanamebaũmisbu inũ, mukayakĩ Satanásã kuxipa yukamisbu inũ, yushĩ dami betsa kẽwãmisbu inũ, txani txakabaũmisbu habu dasibi ẽ kupia hanu buirã, ha iã hanu enxofre menui here hi hi ikai anu ha hatũ dabeki mawa meshãkanikiki”, ea wa ẽ matu keneshunaii.