Salmos 139:18 - Kaxinawá Bíblia (BR)

¹⁸ Ẽ mikiri shinãkĩ tana taewabia mashiti keskakẽ haska washũ ẽ tana keyutirumaki. Hakia mĩ shinã tana keyukatsirã, mia putama mibe ikũkaĩkĩ ẽ mia henetirumaki.

Salmos 139:18 Referencias Cruzadas

Salmos 139:3

Hanira ẽ nikaũmis inũ ẽ hanu huĩrukũmis mĩ unaiĩ. Dasibi ẽ akai mĩ unã keyumiski!

Salmos 40:12

Enabũ ea hawẽtsaĩs txakabu betsa betsapa wamisbu hati tanatã ẽ mia yui keyutirumaki. Ibubis ẽ txakabu betsa betsapatũ ea kebẽbauna haskatã ẽ ana pe uĩtirumaki. Ẽ txakabu mirimatunã, ẽ bu itxapa binuaki. Haskawẽ taea ẽ benima pae ẽ benua ẽ ana hayamaki.

Salmos 40:5

Ẽ shanẽ ibu Senhor Deusuũ, dami betsa betsapa hawẽrua itxapa mĩ anirã, nukuwẽ nuikĩ duawakĩ mĩ nuku ashũmiski. Tsuã mia binua mia keska betsa hayamaki! Mĩ pepakiri ẽ txanikauani hãtxatirubia haska washũ ẽ hati hatu yui keyutirumaki.

Salmos 40:6

Hau nukũ txakabu mĩ nuku buashũshanũ inabu menuti mĩ manamaki. Hawara inãkuĩ menuti tibi nũ mia ashũmis inũ shekiwã tibi inãkuĩkĩ mĩ hiwe anu nũ bemis haska dabewẽ mawaira mĩ hawẽ benimaismaki. Hamẽ haska binumakinã, mĩ hãtxa nĩkakubaĩkĩ haska mĩ yununi txibãkĩ ẽ mia meneshũtiru mĩ ea shabakabi nĩkamakĩ yusĩmiski.