Salmos 110:6 - Kaxinawá Bíblia (BR)

⁶ Nawa shukua tibibu hatu unãti watã hatũ kupiti yunubaũshanikiki. Hatu haska watã mawa manibainabu hatu itxawashanikiki. Mai hirabi anu teshtekea manibaĩshãkanikiki.

Salmos 110:6 Referencias Cruzadas

Isaías 11:3

Hatũ hatu unãti wakinã, bemakis hawẽ beruwẽ besti uĩtã hatu unãti wama inũ, haska betsabũ yui kakaibu nĩka bestitã hatu unãti watiruma ishanikiki.

Isaías 2:4

Hanushũ nawa shukua tibi Senhor Deusũ unãti wakubaĩshanikiki, ha yurabu itxapahairabu hawawẽra ha imisbu haratura pepa inũ haratubũra kaneaibu unãtã hatu pewakinã. Hatu haska wa hanua habu maei betsairã, hatũ nupe kenu txaipabu betsa wakĩ hawẽ mai tsispubirãti washãkanikiki. Ha inũ, hatũ txatxiti betsa wakĩ teshki matxatu washãkanikiki. Ha haskaibutianã, ha yurabu ana hatũ detenameti mabu betsawẽ ana tsuabe detenameama ishãkanikiki. Ha inũ, detenametikiri ana tsuã hatu yusiãma ishanikiki.

Isaías 42:1

Deus hatuki txani: “Uĩkãwẽ. Ẽ tsuma ẽ katunirã, ẽ betxipaiai ea benimawamiski. Ẽ Yushĩ kushipa ẽ yunua merabewaya ha ẽ tsumapã hawẽ yunuti kushipa pepakiri yurabu shukuabu tibi yuibaũshanikiki.

Isaías 42:4

Hanushũ hawẽ yunuti kushipawẽ txakabu binuriama hawa huĩrukuãma inũ hawa punu nukai unãyamasama ishanikiki. Nawa shukua betsa betsapabu Ianẽwã Mediterráneo kesha anu hiweshũ ẽ tsumapã hãtxa nĩka pewashãkanikiki”, aka

Miquéias 4:3

hanushũ nawa shukuabu tibi Senhor Deusũ hatu unãti wakubaĩshanikiki, txaihaira hiwebia ha yurabu itxapahairabu hawawẽra taea ha imisbu haratura pepaimabu inũ haratura kaneimabu unãtã hatu pewakinã. Hatu haska waya hatũ mabu maei betsairã, hatũ nupe kenu txaipabu betsa wakĩ hawẽ mai sheshabirãti wakĩ hatũ hashi betsa wakĩ nupe shewetia washãkanikiki. Ha haskaibutianã, ha yurabu ana hatũ detenameti mabu betsa betsapawẽ ana tsuabubera detenameama ishãkanikiki. Ha inũ, detenamei bukatsi hatu yusĩmisbu ana tsuã hatu yusiãma ishãkanikiki.

Habacuque 3:13

Hatũ shanẽ ibuhaira miã ibubis mĩ katuni inũ, minabu merabewanũ ika tashnikirãkĩ huni txakabubũ hiwe berãkĩ yamawakĩ hanua tsuãra hiwe wakatsi ha dukũ mishki buyakĩ taewai habu miki sinataibu mĩ hatu yamawãshanaii, kini besti hatu henekinã.

João 5:22

Haskawẽ taeshũ tsuara Epa Deusũ unãti waismaki. Hakia hau dasibibu hawẽ bakẽ hatu unãti washanũ hawẽ kuxipa inãni hayaki. Haskawẽ taeshũ habias Deus kẽwãmisbu keska wakĩ hawẽ bakeri hau kẽwãshanũbunã. Tsuabũra hawẽ bake ma yununi kẽwãbumarã, haskatã hawẽ Epari kẽwã kayabitirumaki.

Apocalipse 14:20

Hanushũ mae benãta uva bimiki paikĩ hawẽ hene bimisbu keska wakĩ Deusũ habũ himi habamakĩ bai mata keska wakĩ cavalo hawẽ kui anu kesũbaĩkĩ 300 quilômetro habamabaĩshanai ẽ uĩshuki.

Apocalipse 19:11

Hanua nai bepemanaya shanẽ ibu hawẽ kena Txanima Hãtxa Kaneisma cavalo hushupaki katsauwa ẽ uĩshu matu yuinũ nĩkakãwẽ. Shanẽ Ibu pepatũ yurabu unãti wai hatube detenamẽnũ ika ikairã,

1 Samuel 2:10

Naiuria kana tũ ikaĩkainai hatuki yunua tsuabura haki sinataibu Senhor Deusũ hatu yamawakubaĩmiski, mishki ture ture aka keska wakinã. Shanẽ ibu katushũ kushipa inãni ana hawẽ kushipa binumatã Senhor Deusũ mai hirabi anu hiwebaunabu hawẽ unãti watã kupikĩ keyushanikiki”, ishĩkẽ