Salmos 1:1 - Kaxinawá Bíblia (BR)

¹ Huni pepa benimai shinã txãkainã, tsuabũra hamapai txakabuwakĩ hatu yusĩ txakaibu hatũ yusiã danaĩ inũ, habũ bai txakabu tanama inũ, habũ Deus itxai haki kashemisbuwẽ taea habube mapuisbumaki.

Salmos 1:1 Referencias Cruzadas

1 Reis 16:31

Nebatẽ bake Jeroboãonẽ Senhor Deus danãkĩ txakabuwakubaini keska wakĩ Acabẽ hawa shinãma ana atimapahairakĩ Sidom nawa shanẽ ibu Etbaal aĩbu bake Jezabel aĩwãtã hatũ mekenika yushibu hawẽ kena Baal duawakĩ kẽwãkubaĩkĩ taewanikiaki.

Jó 31:5

Txanima emebi shinã txakabuakĩ ẽ hatu hãtxa txakabuwaismahaira inũ tsuara paranũ, iwanã, ẽ shinãkubaĩsmarã, shabakabi txanima ẽ matu yuiaii.

Salmos 1:6

Hakia hawara Deusũ betxipaiai yurabu pepakĩ txibãmisbu Senhor Deusũ hatu mekekubainaya habũ Deus txibaĩsbuma hani pashati hayama benuhairashãkanikiki.

Salmos 2:12

Ha inũ, hawẽ bake kẽwãkĩ pepawakubaĩkãwẽ, mã nĩkamawẽ taea hawaira matuki sinataya hau bai namakishũ matu tenãyamanunã. Hamẽ tsuabũra Deusũ Katua betxipaikĩ mekemakubaĩmisburã, habu besti benimakubaĩmisbuki.

Salmos 34:8

Ibubis Senhor Deuski txiti ikĩ unãkãwẽ. Senhor Deusrã, merabenã pepahairaki. Tsuabũra haska wai haki txiti ika ha huni benimakũkaĩmiski.

Salmos 84:12

Senhor Deus kushipa dasibi binu keyuatuũ, tsuara miki txiti ikĩ mia ikũwainã, benimakanikiki.

Provérbios 1:15

Mĩ ẽ bakewẽ taeshũ epaã, txakabu txibãyamashãwẽ. Tsuara hawaira tenãkatsis ikaibube hatũ bai txibaĩ hatube kayamashãwẽ.

Provérbios 1:22

“Berunã hawa tapĩriabumaã, hawa unãma besti hiwenũ ika haska betxipai mã hatuki kasheai inũ unanepati hãtxa mã danãmisrã, hatiã mã heneshanai?

Provérbios 13:15

Tsuãra pe shinãkĩ akĩ pewabainaya hunibũ kẽwãmisbuki. Hakia parananaĩ txanitxakakubaĩmisbu ana haskatã petirubumaki.

Provérbios 13:20

Unanepabube haibunãtanã, hawẽ unanepa hãtxa mĩ tapĩkubaĩshanaii. Hakia unaĩsmapabube haibunãkinã, hatũ txakabu tapĩkĩ matũ beya pepa mã putashanaii.

Provérbios 19:29

Huni txakabu hatũ yusiã nĩkama hatuki kashemiswẽ taea hawẽ kushati hi ma haki tana hayamisbuki. Huni tatimarã, kushakĩ pekushtxakayamati peki.

Provérbios 2:12

Deusũ shinã mĩ tapĩhairaiwẽ taea hunibu txakabu anua inũ hiwei peabuma anua unanepai mĩ piskukaĩtiruki.

Provérbios 3:34

Habu kashekenãmisbu Senhor Deusri hatuki kasheriamiski. Hakia hawa keĩsbuma Senhor Deusũ hatu duawakubaĩmiski.

Provérbios 4:19

Hakia hunibu txakabu hiwekubaini meshu merã kai hawa unãma hawaraki huti imisbu keska haska wakĩ txakabuwakĩ kaneaibu tsuã unãbumahairaki.

Provérbios 9:12

Mia mĩ unaneparã, hiwei pekĩ pepa besti mĩ bikubainaii. Hakia patapai mĩ nĩkaismamisrã, harã minaki, txakaburã, mĩ hawa biama ishanairã.

Mateus 16:17

Jesusũ yuikĩ: —Simão Barjonasĩ bakeẽ, ẽ hakẽ huni betsã mia yuiamabia ẽ Epa nai anuatũ mia unãmakĩ mia duawaikiki. Benimariwe.

Lucas 11:28

Jesusũ aĩbu yuikĩ: —Txanima habiaskaki. Hakia tsuabũra Deusũ hãtxa nĩkakĩ txibãmisbũ ẽ ewa binui ana benimahairakanikiki— hatu waya

João 13:17

Na haska ẽ matu yuiai tsuabũra nĩkatã hawẽ hiwekĩ habũ aki benimakubaĩshãkanikiki.

João 20:29

—Ea uĩtãs mĩ ea ikũwaiĩ. Hakia habũ ea uĩyama ẽ haxi shui uĩyamabia ea ikũwãshanaiburã, Deusũ hatu duahaira waya benimakubaĩshãkanikiki— akai nũ nĩkaya ana habiaskariai damikainiki.

Romanos 5:2

Hanua haskawẽ nũ benimaiburã, txĩtuãma Jesus Cristo ikũwaĩ Deusbe haibunamei nũ hiweabuki, ikisrã. Ha inũ, na habiatiã bestima hakia betsatiãri Deusbe hiwei hawẽ kuxipaki nukutã nũ hawẽruashanaii, ikibi ikirã.

Efésios 6:13

Hanushũ Romano soldadobukiri matu xinãmanũ nĩkakãwẽ. Detenamei bui tsakanamenikabu txĩtũkatsi ikama hawẽ meketi mabu kuxipa tibi sawe keyutã detenamei bumisbuki. Haska keskariai matũri diabo Satanás nemai heẽ iyamai unãnepakatsi dasibi Deusũ kuxipa hayai keyutã matu bikawaibutiã txĩtuãma maemai kuxipakubaĩkãwẽ.

1 Pedro 4:3

Hamẽ Deus mã ikũwãriama ha ikũwãbuma keska mã iriapaunibuki. Hawara hakimatixara kemuti txibaĩnã, ha inũ, kemui aĩbu tibibe menamei inũ, piti mirimawẽ kemutapai inũ, nawai beyusi paeĩ inũ, dami yushĩ kẽwaĩ mã txakabuhairai keyurianibuki.

Apocalipse 22:14

Uĩwẽ. Tsuabura benimati hayarã, hatũ tari patsa keska wakĩ habũ xinã kayabiwẽ Jesus ikũwãkĩ txakabu Deus buamakubaĩmisbu hawẽ mae bena anu hikitã habu besti pekĩ hawẽ benimai hiweti hi bimi pikubaĩshãkanikiki.