Rute 4:11 - Kaxinawá Bíblia (BR)

¹¹ mapubaunabu inũ anibu unanepabũ kemakĩ Boaz yuikĩ: —Haa. Nũ nĩkashuki. Israelĩ enabu shuku betsa betsapabu pai taekĩ nukũ shenipabu Israelĩ aĩ dabe Raquel inũ Léiã huni bake itxapa bikubainibu keska wakĩ ha aĩbu mĩ hiwe anu mĩ bishanairã, Senhor Deusũ hau duawakĩ pepa wakubaĩshanũwẽ, bake itxapa bimakinã. Ha inũ, nukũ mae Efrata Belém anu huni pepa hiweshũ hatu uĩmakubaĩshãwẽ, hau dasibibũ mikiri pe shinãkubainũbunã.

Rute 4:11 Referencias Cruzadas

Gênesis 23:10

Heteu nawa Efrom hawenabu Heteu nawabu namakis tsaua hau dasibibũ pe nĩkanũbũ benikaũ Abraão kemakĩ: —Haskamaki. Ẽ hãtxa nĩkawe. Ha bai inũ mishki tãpe ẽ mia hamẽ ibuwamaii. Enabũ nĩkaibũ ẽ mia inãkuiaiĩ, hanu mĩ aĩ mĩ maiwanunã— atã tsaukẽ

Gênesis 29:16

Labão aĩbu bake daberã, ha dukũ iyuatũ kena Léia inũ mashkũ kena Raquel inikiaki.

Gênesis 29:25

Hanua penaya Jacó bestẽtã Léia betxitã Jacó Labãoki sinatakĩ yuikĩ: —Mĩ ea haska wa ẽ ishiaĩ? Raquel bikatsi ẽ mia dayashũshinaki. Haskakĩ Raquel ea inãma Léia ea inãkĩ mĩ ea haska wakĩ parãmẽ?— aka

Gênesis 29:32

Hanushũ Léiã bake bia tuya huni bake kaĩshũ yuikĩ: “Ẽ benẽ ea danã duakabia ẽ punu nuka Senhor Deusũ ea uĩkiki. Haskakẽ ẽ bakewẽ taeshũ ẽ benẽ ea betxipaishanikiki. Haskawẽ taea ẽ bakẽ kenarã, Rúbenki”, akima

Gênesis 35:23

Hawẽ aĩ Léiã huni bakeburã, hawẽ tue benarã, Rúben inũ, Simeão inũ, Levi inũ, Judá inũ, Issacar inũ, Zebulom hati binikiaki.

Gênesis 35:24

Hamẽ hawẽ aĩ betsa Raquelĩ huni bake daberã, José inũ Benjamim inikiaki.

1 Reis 21:8

hawẽ aĩ Jezabelĩ hawẽ bene Acabe kenawẽ taeshũ kene itxapa keneshũtã katũpakekĩ ha mae anu hiweabu unanepabu inũ shanẽ ibu beshmasbu hatu bumakĩ yawa sheni bĩwẽ dekutã txabaiwẽ tuis tuis akĩ bepupaketã hawẽ meitxikiti turuwẽ tsamĩpaketã hau bushũtanũbũ hatu yunua

Provérbios 14:1

Aĩbu unanepatũ hawenabu tibi hatu pe mekekubaĩmisbuki. Hakia aĩbu pe shinaĩsmatũ hawenabu hawa hatu pe mekeama hiwe txakamakubaĩmisbuki, hiwe teke teke aka keska wakinã.

Provérbios 31:23

Aĩbu dayakapawẽ taeshũ hatũ mae anushũ hawẽ bene dasibibũ unãkanikiki. Ha dikabi hatũ mai pakea hirabi anushũ shanẽ ibubũ hawẽ bene duawakĩ nĩkamisbuki.

Miquéias 5:2

Haskabiaibũ mã Belém Efrata anu hiweabuũ, na hãtxa nĩkakãwẽ. Judá enabũ mai pakea anu mĩ mae peshepishtabiakẽ mia anua shanẽ ibu tashnitã Israelĩ enabu dasibi yununika kushipa ishanikiki, bawakĩ Deusũ taewariama hiwenirã.