Rute 4:1 - Kaxinawá Bíblia (BR)

¹ haskashini txipu Boaz Belém kenekĩ kebẽbaunibu anu hawẽ hikiti shui dapi hanu hunibu itxamisbu anu hikitã tsaua ha hunikiri Rute Boazĩ yuishinai Rutẽ benẽ enabi kayabi hikikiranai Boazĩ betxitã kenakĩ: —Haibũ, huyuwe. Ẽ mibe hãtxa hayaki. Nenu tsauyunuwe— aka hui habe tsauaya

Rute 4:1 Referencias Cruzadas

Gênesis 19:1

Ma bari kaya hanu hikiti bai sheshakã hanu itxamisbu hemaĩtĩ anu Ló tsaushũ uiãyã nai tsuma dabe Sodoma mae anu kemai beaibu hatu betxitã hatu ikai hatuki nukui benikaĩ hawẽ beyawẽ taea hatu bebũ dãti itã beti ishũ

Gênesis 23:10

Heteu nawa Efrom hawenabu Heteu nawabu namakis tsaua hau dasibibũ pe nĩkanũbũ benikaũ Abraão kemakĩ: —Haskamaki. Ẽ hãtxa nĩkawe. Ha bai inũ mishki tãpe ẽ mia hamẽ ibuwamaii. Enabũ nĩkaibũ ẽ mia inãkuiaiĩ, hanu mĩ aĩ mĩ maiwanunã— atã tsaukẽ

2 Samuel 15:2

penama tibi Absalão bututã hawẽ epa Davĩ hiwe anu hawẽ mae kenebaunibu hanu hikiti shui anu shaba tibi keshea Absalão nishũ shanẽ ibuhaira hawarakiri itxakanikatima Davĩ hau hatu pewashunũ yukakatsi hanu beaibu, bestibu hatu kenashũ Absalãonẽ hatu yukapakekĩ: “Haratu mae anua mĩ huai?” hatu apakeaya hatũ mae inũ haratura Israelĩ enabu shukua anua inũ haska shinãbirãkĩ shanẽ ibuhaira Davi hari yukai beaibu bebũkiri yuiabu

Jó 29:7

Nukũ mae anu hanu shanẽ ibubu itxamisbu hiwe ewapa anu hikia ẽ tsaukẽ

Jó 31:21

Shanẽ ibu kushipa betsabũ bakeishta ibu hayama itxakawaibu hatubetãs itxakawakatsi ikama haska ẽ txakabu ekiri yuikĩ shinãtirubu unaĩ ẽ pepa besti ikũkainimaki.

Salmos 69:12

Nukũ maewã beputi kesha itxa mania tsaubauna ea txitei hãtxamisbuki. Ha inũ, habu paẽtã ekiri kashei kãtamisbuki.

Provérbios 31:23

Aĩbu dayakapawẽ taeshũ hatũ mae anushũ hawẽ bene dasibibũ unãkanikiki. Ha dikabi hatũ mai pakea hirabi anushũ shanẽ ibubũ hawẽ bene duawakĩ nĩkamisbuki.

Isaías 55:1

“Tsuabũra mã ũpash manuaiburã, ea anu beshũ akãwẽ. Tsuabura mã pei hayamabia bekãwẽ, hawa pakama shekiwã trigo inũ, uva vinho inũ, awa txutxu bi beirã.

Amós 5:15

Danãkinã, txakabu besti akubaĩkãwẽ, pepa besti betxipaikinã. Ha inũ, habũ pepa inũ txakabu unãti wanikabũ hau ana matu itxakawama matu pe bestiwẽ manakushũkubainũbũ hatu uĩrakubaĩkãwẽ. Hamẽ mã haskaibu mã Israelĩ enabu nortekiria matu teshewabainimaburã, Mekenika Deus kushipahaira dasibi binu keyua Senhor Deus matuwẽ ana nuikĩ matu merabewatirumẽkaĩ.

Rute 3:12

Txanima ẽ minabuki. Hakia minabu kayabi betsã ea binua mĩ bene kayabi hayariki.

Rute 3:18

benimakĩ Noemi yuikĩ: —Ẽ bake keskatũ, haska Boazĩ mia akai manayuwe. Haska mia yubashu shinãkĩ Boaz na habiatiã huĩrukũtiruma pewakĩ keyuikiki— aka