Romanos 1:11 - Kaxinawá Bíblia (BR)

¹¹ Ẽ xinãnã, matu uĩ kashũ ẽ matu yusĩkatsis ikaii, hau Jesus ikũhairawai mã kuxipakubainũbunã.

Kashinawa : Diosun Jesúswen taexun yuba bena yiniki

¹¹ En shinanan, matu uin kaxun en matu yusinkatsis ikaii, jau Jesús ikunjaidawai man kushipakubainunbunan.

Romanos 1:11 Referencias Cruzadas

Hechos 16:5

hanua ikũwaĩbũ haska nĩkatã hatũ xinã pewakĩ mestẽwãkubainaibũ yura betsabũri Jesus ikũwaĩ shaba tibi ana itxapabu hatuki dasikubainaibũ

Hechos 19:21

Hanushũ Paulõ xinãkĩ yuikĩ: —Macedônia inũ Acaia mai pakea anu kashũ ikũwaĩbu ana uĩkubaũtani Jerusalém anu ana ẽ kashanaii. Hari kashũ hatu uĩtani Roma anuaburi Deusũ ea yunuaiwẽ taea ẽ hatu uĩ kakatsis iriaii— itã

Hechos 19:6

hatu haska watã ha 12 hunibuki hatuki mamepikũkaunaya Deusũ Yushĩ Pepa hatuki butuakeakeaya hanua habu tibiki nawã hãtxa betsa betsapawẽ hãtxaisbumabiakẽ hatũ hãtxawẽ Deusũ hãtxa hatu yuimakĩ meshtãmanikiaki.

Romanos 1:12

Haska ẽ matu yuiairã, nũ Jesus txibaĩbu nuku dasibi merabenamei nũ huĩti kuxipanametirubuki, matubu inũ earã.

Romanos 15:23

Hakia bari betsatiã haska ẽ xinãyama mae tibi anushũ ma ẽ hatu yusĩ keyuawẽ taea natiã ana ẽ matukiri xinaiĩ,

Romanos 15:29

Txanima ẽ haska xinaĩ keska ẽ matuki nukuayarã, haska Jesus Cristõ hawẽ duapawẽ nuku duawamiswẽ ẽ matube benimakatsis ikaii.

Romanos 15:32

Haska Deusũ ea yunuaya matu anu kai hikitã hanua benimai ẽ huĩrukũyushanũ haskakiri Deus ea yukariashũshãkãwẽ.

Romanos 16:25

Nukũ Epa Deusũ matu abukĩ hawẽ kakape Jesus Cristokiri datã akĩ ẽ yusĩmis mã ikũwãriaibuwẽ taeshũ Epa Deusũ matu txĩtũmatiruma ha kẽwanãkãwẽ. Mai hirabi damiwariama na haskakiri Deusũ nuku mekei kai bari itxapa hunekĩ tsuabura yaneri unãmama ibiakũkaini

2 Coríntios 1:15

Haskawẽ taea matuki txiti ikĩ haska ẽ xinaiĩ. Haska matu anu kashũ matu uĩkatsis ikĩ ha dukũ ẽ xinaĩma keska dabeki matuki bai kai

2 Coríntios 1:21

Haska inũ, nuku dasibibũ Cristo nũ txibaĩburã, hawẽ kuxipawẽ Deusũ Yushĩ Pepawẽ unãti xarawatã hawenabu benutimawakĩ nuku ibuwaniki. Haska wanishũ nuku heneama duawapakeshanai mestẽwaĩ Deus yubakaniki.

2 Coríntios 9:14

Ha inũ, haska bestiwama haska duahairawakĩ matuwẽ Deusũ hatu merabewai habũ unãkĩ matu abukĩ Deus matu yukashũkubaĩshãkanikiki.

Filipenses 1:8

Haska inũ, matube dasibi haibunaĩ nũ pekubainiburã, Deusũ nuku unaĩkiki, Jesus Cristõ nui duapa ea inã ẽ matu ashuniwẽ taea matukiri ẽ hakimaismaki.

Filipenses 2:26

Haska isĩ teneaikiri mã nĩkaimabu hawẽ taea hakiri xinaĩ mã hawẽ punu nukaxina haska xinaĩ matuwẽri nui hari matu hakimamariki.

Filipenses 4:1

Ẽ betsabu inũ ẽ puibuũ, ẽ matu abutxakayamai inũ, ẽ matuwẽ nuiai inũ, ẽ matuwẽ benimaiwẽ inũ, matuwẽ taeshũ Deusũ ea manakua ẽ bishanaiwẽ taea xinaĩ ẽ matu ana uĩ kakatsis itxakayamaii. Ẽ matu haska xinãyã txĩtuãma nukũ Shanẽ Ibu txibãpakekãwẽ.

1 Tesalonicenses 3:13

Haskawẽ taea nukũ Shanẽ Ibu Jesusũ matu xinã mestẽwãkĩ matũ hamapai txakabu beshtenishũ mã hawenabu hawa txakabu matukiri metutirubuma mã hiwekẽ hatiãra nukũ Shanẽ Ibu hawẽ tsumabube ana huaitiã nukũ Epa Deus bebũ mã nia hau matu uĩshanũ haska matukiri ẽ xinaiĩ. Haskakirã.

1 Tesalonicenses 3:2

nukũ betsa Timóteo nukubetã Cristokiri kakape yusĩmis matu anu nũ nitxĩmaki, hau matu xinã txãkãwãkĩ hau matu ana kuxipa wai kanunã.

2 Tesalonicenses 3:3

Haska wakĩ Satanásã matu kanemakatsis ikaya nukũ Shanẽ Ibu nuku hakimaismatũ nuku shunũbainama matu kuxipa wakĩ mekekĩ txakabu matu binumakubaĩshanikiki.

Hebreus 13:9

Haskakẽ yusĩa betsa betsapa benawakĩ matu yusĩaĩbu hatu hawa nĩkayamakubaĩshãkãwẽ. Hamẽ nũ Deus xinãkubainaibu nukuwẽ nuikĩ merabewakĩ nuku kuxipa wamiski. Hakia habu parananãkĩ betsa kaya hatũ beya pitikiri matu yusĩkĩ bikawaibu hatu nĩkayamakãwẽ, piti beya betsakiri txibãkĩ matũ huĩti tsuã ana kuxipa watirumakirã.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

1 Pedro 5:12

Nukũ betsa Silvano txĩtuĩsma ẽ yunua na ẽ hãtxa eskarabes matu keneshũshu ẽ matu anu bumai nĩkakĩ uĩshãkãwẽ. Na haska Cristo ikũwãkĩ hawẽ matu nuimai mã ikairã, txanima Deus matuwẽ nuikĩ hawẽ pepa matu uĩmaikiki. Haskakẽ hawa txĩtuĩ niti ikama mã ikubainũbũ matu merabewakĩ keneshũkĩ ẽ matu yusĩshu inũ ẽ matu mestẽwãshu hawẽ taeshũ Deusũ pepa bikubaĩkãwẽ, ha nui pae mã hayawẽ taearã.

2 Pedro 1:12

Ma bebũkiri txanima hãtxa matu yusĩabu unãkĩ mã mestẽwani mã hawẽ hiwea haska dasibi matukiri xinãkĩ eãri matu xinãmakĩ ẽ henekatsi ikamaki.