Provérbios 20:7 - Kaxinawá Bíblia (BR)

⁷ Huni txanitxakai parananaĩsma pe txibaĩ hiwekũkaĩmis hawẽ bakebũ hawẽ hiwea mawabaini benimakubaĩshãkanikiki.

Provérbios 20:7 Referencias Cruzadas

Gênesis 17:7

Mia inũ mĩ bakebu inũ mĩ bababu inũ dasibu minabus ipakeshanaibu ẽ hatukiri yubakariaii, niti ikamarã. Ikis ẽ mĩ mekenika Deuski. Mĩ ma mawakẽ txipu ẽ habũ Deus iriashanaii, hatu merabewakubainirã.

Jó 1:1

Mai pakea ewapa Uz anu huni betsa Jó hiwea huni pepa hawa Deuskiri txakabuismatũ Deuski mesekĩ dayashũkũkaĩkĩ hawa txakabu mekĩ tsua txakabuwakatsi ikama hiwepaunikiaki.

Salmos 15:2

Senhor Deusũ ea kemakĩ: “Tsuabura pe besti hiwekĩ pepas besti akubaĩmisbu inũ, txanitxakakatsi ikama parananaĩsma inũ,

Salmos 37:26

Tsuara hatuwẽ dabanã ikĩ hawẽ hawara yaushiama shaba tibi hatu inãyumisrã, haskawẽ taeshũ hawẽ bakebuwẽ Deusũ duawamiski.

Provérbios 13:22

Huni pepabu mawakĩ hatũ yusiã pepa inũ mabu pepa hawẽ bababu heneshũbaĩmisbuki. Hakia hunĩ txakabuwamisbũ mabu itxapa itxawashinarã, mawaya huni pepabũ bikĩ ibuwashãkanikiki.

Provérbios 14:2

Tsuara txanima hiwei peshũ Senhor Deus duawakĩ benimawamisbuki. Hakia tsuara hiwei peama kanekubaĩkinã, Senhor Deus danãkubaĩmisbuki.

Provérbios 14:26

Tsuãra Senhor Deus ikũwãkĩ duawai hawa dateama hiwekubaĩmisbuki. Haska hawẽ ibu hiwea uĩkubaini hawẽ bakebu hawa datetirubumariki.

Provérbios 19:1

Unaĩsmapa inũ txani besti yuibauni mapumisburã, ha nuitapaibu inũ ha huni pepabu hatukiri pe yuimisbũ habũ hatu binuaki.

Isaías 33:15

eskabu besti hiweshũ yuimisbu, habu pashatiruki. Habu pe hiwekũkaĩkĩ hãtxa txanima yuimisbu inũ, habu mabuwẽ kemui hiwekĩ betsabu itxakawaisbuma inũ, mabu inãkuĩ bitã hatu hawẽ parãkĩ hatũ shinã betsa wamaisbuma inũ, pubẽbũ shinã habũ nĩkatã hatu txibaĩsma inũ, txakabuaibu hatu uĩkĩ txibãkatsi ikama bekua keskashũ shinãmisburã,

Hechos 2:39

Nukuna bestimaki. Haska Deus yubakani ma akikiki. Matu dasibibu inũ matũ bakebu inũ txaihaira manibaunabu nukũ Shanẽ Ibu Deus haska matukiri yubakairã, dasibi matukiri iniki. Haskawẽ taeshũ hatira hawenabu wakĩ katukĩ kenakatsis ikikiki— iwanã,

2 Coríntios 1:12

Hamẽ nukukirirã, haska yurabũ Deus unãbumã xinaĩ kẽmis keskama hakia Deusũ nuku xinã betsa wamatã huĩti pepa nuku waniwẽ taeshũ haska Deusũ abumis nuku xinãmaya tsua parãma duapa bestikũkaini matuwẽ nuihairai nũ kẽkũkainaii, matuwẽ taea txanima benimairã.