Provérbios 20:22 - Kaxinawá Bíblia (BR)

²² Tsuabũra mia ma txakabuwakẽ “Eã ẽ hatu kupiaii”, iwanã, shinaĩ tsua hãtxatimahairaki. Senhor Deus ikũwãkĩ mĩ manakubainaya Senhor Deusũ mia hatu kupishũkĩ binumashanikiki, mia mekekinã.

Provérbios 20:22 Referencias Cruzadas

2 Samuel 16:12

Haska ikis ea bika tenemaibũ Senhor Deusũ uĩkĩ ekiri pe shinãkĩ ea ana duawakubaĩshanimẽkaĩ, na yuputi hãtxa txakabu ẽ nĩkai keskamarã— hatu wabaini

Salmos 27:14

Senhor Deuski mestẽtã hawẽ kushipai punu nukama hawẽ shinã betxipaikĩ hawa txĩtuãma haki mestẽkubaĩkãwẽ.

Salmos 37:34

Tsuãra Deusũ yunuti nĩkakĩ mã ashuĩ haki txiti ikarã, hatũ matu duawakĩ na mai matu ibu wamakẽ hawa keyuama mã hanu hiwepakeshanaii. Hanua ha txakabui hiwekubainaibu Deusũ hatu kupikĩ yamawai ibubis mã uĩshanaii.

Salmos 37:40

Tsuabura pepabũ hanira irukatsi benaiburã, Senhor Deusũ hatu merabewakĩ pashawamiski, txakabubube husia hiwebiakẽ hatu kaĩmabaĩkinã.

Provérbios 17:13

Tsuãra huni betsa merabewabiamis hãtsiri manakukĩ merabewaismarã, haskawẽ taea hawenabu nuitapai hiwekubaĩshãkanikiki, hawẽ shinã txakabuwẽ taearã.

Provérbios 19:11

Bebũkiri shinã pewakubaĩmistũ sinatai taebiatã hawaira ibubis daemisbuki. Hakiri hãtxai pemisbuwẽ taea haki ha ibiabu ana shinãma ibubis hatu hakimawai pe bestikũkaĩmiski.

Provérbios 20:21

Hawa wamabia hawaira mabu betxipaikĩ bitã txipu hatsãtã ana hawẽ benimatirumaki.

Isaías 40:31

Hakia tsuabura Senhor Deuski txiti ikaburã, ana kushipa bena hayakubaĩkanikiki. Kushikaini hawa punu nukatiruma inũ bai tanabaini hawa babutirubumaki, ixmĩ hawa peshukuama nuyakaunai keskairã.

Mateus 5:39

Hawẽ hãtxa peki. Ana habia keskari ha binua matu yusĩnũ nĩkakãwẽ. Tsuara miki sinatakĩ yusiuri mia ispais aka habebis sinatakĩ kupiyamakãwẽ. “Uke betsari ea awe”, ika dabekeshunai keskakĩ xinãkubaĩshãkãwẽ.

1 Tesalonicenses 5:15

Ha inũ, yura betsã matu txakabuwaibu ana hatube manakunama mã pepakatsis ikairã, haska txakabu huai tenetã pepakĩ ikũwaĩ betsabube merabenãkĩ mã akai keska wakĩ mai hirabi anuabu yurabu ashũriakĩ hatu merabewakubaĩkãwẽ.

1 Pedro 2:23

Hanushũ Cristo itxabiabu hatu bebis kemanamei hãtxama iniki. Isĩ tenemabiabu hawẽ hatu dateti hãtxa kuxipa tashnimama iniki. Hamẽ haskama Deusũ hatu unãti wakĩ txanima kaneismatũ hau mekekubainũ hawẽ hiwea hawẽ Epa Deus inãkubainiki.

1 Pedro 3:9

Ha inũ, matu txakabuwabu hatubebis ana txakabuama inũ matu itxabu hatubebis ana manakunaĩ itxakanãma ikubaĩkãwẽ. Hakia matu duawakatsi Deusũ matu katuniwẽ taeshũ matu itxakawabiaibũ ha xinãma pepakiri besti hatu yuikubaĩkãwẽ, hau Deusũ hatu merabewakĩ duawariakubainunã.

1 Pedro 4:19

Hanushũ Deusũ yunua hawẽ xinãnẽ tsuabũra aki bika teneaiburã, haskaibu peki. Hanushũ hawara pepa akinã, hau heneyamakubainũbũwẽ. Hau matu mekekubainũ matũ hiwea Deus inãkubaĩkãwẽ. Hatũ nuku damiwanishũ nuku heneisma ikũkaĩkĩ nuku uĩmashanikiki.