Provérbios 20:15 - Kaxinawá Bíblia (BR)

¹⁵ Ouro mane dauti sharabu mirima mai hirabi anu hayabiabũ ha huni unanepatunã, hawẽ hãtxa pepawẽ hãtxakĩ ha ouro mabu karuhaira binuabuki.

Provérbios 20:15 Referencias Cruzadas

Provérbios 15:23

Hawara bikatsi yuka itã pepawẽ mĩ manai hawa bikama mia yuikĩ pewashanai haska peki. Hakia haska yuka ikĩ bikatsi shinaĩ binumakĩ hawaira haki nukumairã, ha pehairaki.

Provérbios 15:7

Unanepabũ hawẽ unanepa hãtxa yuikinã, hatũ hãtxa pepa sa aka keska wakĩ pawabaũmisbuki. Hakia unaĩsmapabũ shinaĩ hãtxamisburã, hawẽ hãtxawẽ tsua hatu merabewatirubumaki.

Provérbios 16:16

Mane ouro karuhairabiakẽ shinã unanepatũ binuaki. Mane prata karuhairabiakẽ tapinikatũ binuriaki.

Provérbios 16:21

Tsuara unanepakũkainai hakiri shinãkinã: “Harã, hawaira tapinikaki”, akĩ yuikubaĩmisbuki. Tsuara hãtxa duapatũ huni betsa yusĩkĩ hatu shinã betsa wamatirubuki.

Provérbios 16:24

Hãtxa pepa nĩkai ana punu nukama kushipai benimakubaĩmisbuki, buna bata aka keskairã.

Provérbios 20:14

Huni betsã mabu bikĩ hawẽ karu maikiri shekamanũ, iwanã, yuikĩ: “Mĩ mabu pema duakabiki”, tsuara ikaiwẽ taeshũ hawẽ karu maikiri shekashuna biãtã benimabaĩmisbuki.

Provérbios 20:16

Huni betsa mĩ unãmatũ mĩ pei biyukatsis ikaya mĩ inãmakẽ mĩ haibũ mia inãmaya hanushũ miã hawẽ tari biãyutã mĩ mekeshũyutiruki, txipu mia pakaya mĩ inãtirurã.

Provérbios 3:15

Hawẽ dauti inũ meitxikiti inũ pau inũ teuti pepahaira karuhaira hayabiabũ tsuara unanepakĩ ha mabu hawẽrua betxipaihairakĩ bimisburã, pepabia unanepatũ hawẽ hatu binuhairatiruki.

Provérbios 5:2

Na habiatiã haska tapĩtã shinã pewai unanepã hãtxa unãtã mĩ hawẽ hãtxashanaii.

Provérbios 8:10

Ha dukũ benakinã, yusĩti kayabi inũ tapĩti kayabi benakĩ tapĩkubaĩkãwẽ. Haska mĩ tapiainã, mane prata inũ mane ouro betxipaibiamisbu binuhairaki.

Provérbios 8:11

Unanepati hãtxarã, hawẽ hiwei pehairakũkaĩkĩ hamapai mabu nẽkati hawẽrua kushipahairabiakẽ binuaki. Hamapai mabu sharabu haya mã hawẽ kemubiamis ha unanepati hãtxã dasibi binuaki.”

Efésios 4:29

Haska inũ, ana hãtxa txakabu yuiama hãtxa pepawẽ besti hãtxakĩ matunabu ana kuxipa wakĩ ikũhairawamakĩ merabewakĩ hatu benimawakubaĩkãwẽ, habũ matu nĩkaiburã.