Provérbios 20:13 - Kaxinawá Bíblia (BR)

¹³ Tsuara mã nuitapakatsi ikamarã, usha bestiyamakãwẽ. Haskairã, ushama mã daya heneama piti itxapa teshe mã hayakũkaĩshanaii.

Provérbios 20:13 Referencias Cruzadas

Provérbios 10:4

Tsuara eskarabes dayamis hawa hayama nuitapakubaĩmisbuki. Hamẽ tsuara daya txakayamamisburã, dasibi hayakubaĩmisbuki.

Provérbios 12:11

Huni dayakaparã, hatũ bai anu mibã piti hamẽ imiski. Hakia unaĩsmapatũ hawa daya pepa akamarã, hawa piti itxapa hayatirubumaki.

Provérbios 13:4

Txikishbũ hawara betxipaikĩ bikatsis ibiai hawa bitirubumaki. Hakia dayakapaburã, hamapai hayakubaĩmisbuki.

Provérbios 19:15

Tsuara txikish usha besti shinaĩ usha bestikũkaĩmisrã, dayamawẽ taea buni tenekubaĩshanikiki.

Provérbios 20:14

Huni betsã mabu bikĩ hawẽ karu maikiri shekamanũ, iwanã, yuikĩ: “Mĩ mabu pema duakabiki”, tsuara ikaiwẽ taeshũ hawẽ karu maikiri shekashuna biãtã benimabaĩmisbuki.

Provérbios 31:15

Penariama butukaĩ hawenabu inũ hawẽ tsumabu bawashũtã hatu pimamiski.

Jonas 1:6

hanushũ shashu bunikabũ shanẽ ibu Jonas anu kashũ bestẽwãtã yuikĩ: —Miarã, haskai mĩ hanu hua dakamẽ, ushabuũ? Benitã hau nuku merabewakĩ mekenũ mĩ mekenika yushĩ nuku yukashũwẽ. Nukuwẽ nuitirumẽkaĩ, nũ hasayamanunã— aka

Romanos 12:11

Ha inũ, hawara nukũ Shanẽ Ibũ abuai dayashũkĩ ibubis txikixama hamapai tibi xinãkĩ huĩtinĩ xinaĩ benima paewẽ ashũkubaĩkãwẽ.

Romanos 13:11

Haska inũ, Jesus Cristo txibãkĩ taewakĩ Deusbe nũ hiweshanai hawẽ hãtxa nĩkakĩ nũ unãnirã, ma ana txaima kemaiwẽ taea ana hatishuĩra haki txikixama yura betsa betsapabuwẽ nuikĩ hawara Deusũ abuai menã hawaira tapĩ hawẽ mekerikãwẽ, uatiã nũ hiwexina keska haskas xinãmarã.

1 Coríntios 15:34

Matu dakewanũ, iwanã, na haska ẽ matu yuaii. Yurabu Deusũ bestẽwãshanai betsabũ ikũwãma kanekanikiki. Matubu niti itã hatũ hãtxa ana nĩkai txakabuwama matũ xinã bestẽwãtã pe besti Deuskiri xinãkubaĩkãwẽ.

Efésios 5:14

Haskakẽ haska xinã betsa watirubu xinãkĩ Deuskiri nawati yuikĩ: “Txakabũ matu tsumarã, mepamarikãwẽ. Mã mawabiani hanũ beniribirãkãwẽ. Matũ txakabu mã heneaya Messias Cristõ hawẽ txashawẽ matu yusĩkĩ matu unãmashanikiki”, ikaki.

2 Tesalonicenses 3:10

Haska matu yusĩ kaimashũ matu yunukĩ: “Tsuabura dayakatsi ikama txikixaiburã, hau hatu pimayamarianũbũwẽ”, iwanã, nũ matu yusĩmaki.