Provérbios 19:3 - Kaxinawá Bíblia (BR)

³ Huni betsa patapakĩ hawẽ hiwea ibubis txakabuwa hanushũ: “Senhor Deusũ ea kanemashinaki”, iki unaĩsmapabu haki paranamisbuki.

Provérbios 19:3 Referencias Cruzadas

Salmos 37:1

Basi yumei pebiatã hawaira txushimiski. Ni mashu ewai pebiatã hawaira shanariamiski. Haska keskariai huni txakabubu haskashãkanikiki. Hatuki sinatayamakubaĩkãwẽ. Ha dikabi hawara txakabuwakĩ kaneaibu hatũ hamapaiwẽ kemui nuiyamakubaĩkãwẽ.

Salmos 37:7

Hawara Senhor Deus anua mĩ manakairã, hĩ hĩ ikĩ hawa yuiama mĩ shinanẽ besti Deuski txanitã manakubaĩwẽ. Hatũ mia merabewashanikiki. Hakia huni betsa txakabu atimapa akatsi yubakamisburã, haskawẽ hiwekaĩkĩ tsuabura maematirubumaki. Haskawẽ taea hatuki sinatayamakũkaĩwẽ.

Provérbios 11:3

Huni pepabũ hatũ beya pepa tapĩtã txibãmisbuki. Hakia huni txanitxakamisbũ ibubis txakabuwakubaini hawẽ txani hãtxawẽ taea yamamisbuki.

Isaías 32:6

Yurabu atimapai daya peisma hawẽ beyawẽ taea haska hãtxamis heneama inũ, haska txakabu shinaĩ keska yubakatã heneama akubaĩmisbuki. Txakabu besti kaĩmatã hiwenũ ika hamapai atimapati benakubaini Senhor Deuskiri hãtxa txakabu yui txanitxakamisbuki. Habunã, bunibiranaibu hawa hatu inãma inũ ũpash manubiranaibu hatu amakĩ pewatã hatu nitxĩsbumaki, hatu nuitapawakinã.

Ezequiel 18:25

Ea ẽ pepa bestiwẽ ẽ matu mekebia matũ shinã txakakĩ mã ea txitemisrã, matu yuinũ nĩkakãwẽ. Matũ yuikĩ: ‘Senhor Deusũ nuku pewakubainamaki’, mã ikaii. Hakia mã Israelĩ enaburã, ẽ eamaki, txakaburã. Hakia ea binumakĩ ea nĩkama mã txakabuwamisbuki.

1 Samuel 13:13

Samuelĩ Saul kemakĩ: —Na haska mĩ ashurã, mĩ atimapahairashuki. Haska Senhor Deusũ mia yunuima mĩ kaneama ishurã, mĩ Israelĩ enabu shanẽ ibu niti ikama ikũkaĩkeanaii.

1 Samuel 15:23

Habũ Senhor Deus ikũwãbumã danãkĩ txakabuwakĩ Deus sinatamamisburã, yushibube dayai mukayakĩ unãmisbu keskabuki. Tsuãra Senhor Deusũ yunuti hãtxa nĩkama habũ yushibu dami kẽwãmisbu keskabuki, txakabuwairã. Hamẽ miã akĩ Senhor Deusũ yunuti hãtxa mĩ danãkĩ txakabuwashinawẽ taeshũ natiã mĩ nukũ shanẽ ibu ikis mia danãriaikiki”, aka