Provérbios 19:16 - Kaxinawá Bíblia (BR)

¹⁶ Tsuãra Senhor Deusũ yunuti hãtxa inũ nemati hãtxa nĩkatã txibãkĩ hatũ hiwea mekemisbuki. Hakia tsuãra Senhor Deusũ yusĩti hãtxa danaĩ hawẽ kupiti bika tenekubaini mawashanikiki.

Provérbios 19:16 Referencias Cruzadas

Jó 5:2

Tsuabũra yura betsã mabu uĩ hawẽ kemui inũ tsuabura hawaira sinatai unaĩsmapai debumisbuki.

Provérbios 13:13

Yunuti hãtxa danãkĩ pe shinãma hawara kanetã aitĩ itxakayamatiruki. Hakia yunuti hãtxa nĩka pewatã txibãkĩ manakuti pepa bishanikiki.

Provérbios 15:32

Tsuãra txakabuwai nemabiabu hatũ nemati hãtxa nĩkama hatumebi danananãmisbuki. Hakia tsuãra hatũ nemati hãtxa nĩkakĩ tapĩkubainirã, beshtekei unanepamisbuki.

Provérbios 16:17

Huni pepabu hiwei pekaĩkinã, txakabu tibi ana akama henekubaĩmiski. Haskakĩ hatũ hiwea mekekĩ hatũ yura ibubis pe mekeriakubaĩmisbuki.

Provérbios 21:16

Bebũkiri shinã pewai hiwebiakũkainima haska henetã ana txibãmarã, hanu mawabu bumisbu anu hari kashanikiki.

Provérbios 21:23

Tsuara hari shinaĩ hãtxakatsi bebũkiri shinã pewatã hawẽ hãtxa pe kaĩmamisrã, hamapai txakabuwaismawẽ taea hakiri shinã txakatirubumaki.

Provérbios 22:5

Huni txakabubu hiwekubaini mapukinã, hawẽ hatu itxakawakĩ beparanaibu itxapa uĩkubaĩmisbuki. Hakia tsuãra ibubis hawẽ hiwea pe mekekubaĩkinã, hawara txakabu tibi dũkebaĩmisbuki.

Provérbios 3:1

Epaã, mĩ ẽ huni bakewẽ taeshũ ẽ yusĩti hãtxa tapĩtã hawa hakimayamashãwẽ. Ẽ yunuti hãtxa inũ ẽ nemati hãtxa shinãkubaini

Jeremias 7:23

hau ea dukũ nĩkakubaĩshanũbũ ẽ hatu yunukĩ taewaniki. Haska ẽ hatu yunua akubainaibu enabu hatu watã hatũ mekenika Deus ẽ ikũkaĩshanaii”, iwanã, “ẽ hatu yuiniki, hau habu ea hiwei peshũkubaĩshanũbunã.

Mateus 16:26

Hamẽ tsuãra mabu mirimawẽ kemu bestikĩ itxawashũ ea ikũwãkĩ txibãma hatũmebi hatũ hiwekuĩa benushãkanikiki, eauma mawairã. Ha inũ, hatũ hiwea pakatã tsuã ana bitirumahairaki.

Lucas 10:28

Jesusũ yuikĩ: —Mĩ pe yuiaii. Haska mĩ yuiai keska akubaini Deus anu mĩ hiwea kayabi ishanaii— aka

Lucas 11:28

Jesusũ aĩbu yuikĩ: —Txanima habiaskaki. Hakia tsuabũra Deusũ hãtxa nĩkakĩ txibãmisbũ ẽ ewa binui ana benimahairakanikiki— hatu waya

João 14:15

ana nuku yuikubaĩkĩ: —Txanima mã ea abuairã, haska ẽ matu yusĩkĩ yunumis xinãkĩ ẽ hãtxa mã txibãkubaĩshanaii.

1 Coríntios 7:19

Judeubũ beya txibãkĩ nũ hina kubitxi meshtemis inũ judeubũ beya txibãmarã, nũ haskai hiwekĩ Deus benimawatirumaki. Hakia Deusũ hãtxa besti txibãkĩ nũ Deus benimawatirubuki.

1 João 3:22

Haskawẽ taeshũ hawẽ hãtxa txibãkĩ haska abuai akĩ nũ benimawakubainai unã keyuaya hanushũ hawara bikatsis ikĩ Deus nũ yuka nuku ashũshanikiki.

1 João 5:3

Deus nũ abuairã, hawẽ yunuti inũ hawẽ nemati nũ txibãkubainaii. Hawẽ yunuti txibaĩnã, shãkamama bikamaki.

Apocalipse 22:14

Uĩwẽ. Tsuabura benimati hayarã, hatũ tari patsa keska wakĩ habũ xinã kayabiwẽ Jesus ikũwãkĩ txakabu Deus buamakubaĩmisbu hawẽ mae bena anu hikitã habu besti pekĩ hawẽ benimai hiweti hi bimi pikubaĩshãkanikiki.