Provérbios 19:1 - Kaxinawá Bíblia (BR)

¹ Unaĩsmapa inũ txani besti yuibauni mapumisburã, ha nuitapaibu inũ ha huni pepabu hatukiri pe yuimisbũ habũ hatu binuaki.

Provérbios 19:1 Referencias Cruzadas

Salmos 37:26

Tsuara hatuwẽ dabanã ikĩ hawẽ hawara yaushiama shaba tibi hatu inãyumisrã, haskawẽ taeshũ hawẽ bakebuwẽ Deusũ duawamiski.

Provérbios 12:26

Huni pepabũ habu ha dapi hiweabu hatu haibuwakĩ hatu yusĩkĩ pewakubaĩmisbuki. Hakia huni txakabubu hiwe txakai bai txakabu txibaĩ benumisbuki.

Provérbios 14:2

Tsuara txanima hiwei peshũ Senhor Deus duawakĩ benimawamisbuki. Hakia tsuara hiwei peama kanekubaĩkinã, Senhor Deus danãkubaĩmisbuki.

Provérbios 15:16

Mabu mirima hayabia hawẽ datei hiwekubaĩtirubuki. Hakia tsuara mabu eskarabesyabiatũ Senhor Deus duawakĩ hatu binuhairatirubuki.

Provérbios 16:8

Huni pepama parananãkubaĩkĩ pei itxapa bikubaĩtirubuki. Hakia huni betsa hawa parananãma pe dayakũkaĩkĩ eskarabes bibiakĩ ha huni padananãmisbu hatu binuhairaki.

Provérbios 19:22

Huni betsa yubakatã txanima amisrã, ha dasibibũ betxipaimisbuki. Ha inũ, nuitapaibu hãtxamisbunã, ha txanitxakai hãtxamisbu hatu binumisbuki.

Provérbios 20:7

Huni txanitxakai parananaĩsma pe txibaĩ hiwekũkaĩmis hawẽ bakebũ hawẽ hiwea mawabaini benimakubaĩshãkanikiki.

Provérbios 4:24

Txanitxakakĩ mĩ yuiarã, txakabuharaki. Ha henekĩ haska ana shinãyamakubaĩshãwẽ.

Mateus 16:26

Hamẽ tsuãra mabu mirimawẽ kemu bestikĩ itxawashũ ea ikũwãkĩ txibãma hatũmebi hatũ hiwekuĩa benushãkanikiki, eauma mawairã. Ha inũ, hatũ hiwea pakatã tsuã ana bitirumahairaki.