Provérbios 18:6 - Kaxinawá Bíblia (BR)

⁶ Ha unaĩsmapa hiwe betsa anu kashũ txakabu hatu tueshũmisbuki, hau hawẽ taea ha iki detenamenũbunã. Hatu haskamamiswẽ taeshũ ha huni kusha kusha atirubu peki.

Provérbios 18:6 Referencias Cruzadas

Provérbios 12:16

Huni unaĩsmapabu hawaira sinatakĩ hawa huneama shabakabi hatu uĩmamisbuki. Hakia unanepabu hatu yuaĩ hatuki kashebiabu nĩkabiakĩ hatu dabaĩsbumaki.

Provérbios 13:10

Hunibu ibubis kẽkĩ hatu txakabuwamakubaĩmiski, hatu detenamemakinã. Hakia huni unaneparã, keãma yusiã pepa nĩkamisbuki.

Provérbios 14:16

Unanepabu txakabuwẽ datekĩ henekubaĩmisbuki. Hakia unaĩsmapabu txakabuwẽ dateama nashui ika mapumisbuki.

Provérbios 14:3

Unaĩsmapatũ ibubis kẽkĩ hawẽ hãtxa kushipawẽ hatu kũyã amisbuki. Hakia unanepatũ hawẽ hãtxa pepawẽ hatu pe mekekubaĩmisbuki, tsua sinatamamarã.

Provérbios 17:14

Hene bai mata txakayamakĩ huni betsã bai atxi keyumisrã, txakabuki. Haska keskanũ ika tsuara ha iki taeaiburã, txakabuki. Hau pikuyamanũ ha iki taeaibu anua hawa yuiama hatu henebainarã, haska pehairaki.

Provérbios 19:19

Tsuara sinatahairakũkaĩkĩ hawẽ kupiti bishanikiki. Hamẽ haskama hau kupiyamanũbũ tsuara hawẽ nuikĩ mĩ hatu nemashũbia ana sinata pikuhairashanikiki.

Provérbios 19:29

Huni txakabu hatũ yusiã nĩkama hatuki kashemiswẽ taea hawẽ kushati hi ma haki tana hayamisbuki. Huni tatimarã, kushakĩ pekushtxakayamati peki.

Provérbios 20:3

Ha ikeakeaibu nĩkabiai hatube kemanameisbumarã, huni pepabuki. Hakia huni unaĩsmapatunã, txakabu teneabu hatũ hatu tuekĩ taewashũmiski.

Provérbios 22:10

Ẽhẽ iki yura betsabuki kashemisbu mae anua tsuãra mã hatu nitxĩshuna ha habe ha iki yupukunãmisbu maĩshãkanikiki, ana hãtxawẽ tsua detenameabumarã.