Provérbios 18:3 - Kaxinawá Bíblia (BR)

³ Hamapai txakabuwairã, ha besti kaka tashniama dake paeyabi kaĩmiski. Kẽmisbu beaibũ hatuki dakei hatuki hãtxa txakabumisbuki.

Provérbios 18:3 Referencias Cruzadas

Neemias 4:4

habu nukuki kasheaibu nĩkatã eã Deus ea akĩ: “Nukũ mekenika Deusuũ, haska nukuki kasheaibu hatu nĩkakubaĩwẽ. Nukukiri hãtxa txakabubiaibũ hatũ txakabu ana hatuki txĩtũmawe. Ha hatuki sinataibũ hau hatu maemakĩ atxishũ hatũ mae txaihaira anu hau hatu iyushanũbũwẽ.

Salmos 69:20

Ẽ txakabukiri tsuãra ea yuikĩ ea huĩti meteshmiski. Ea haska wabu benima hayama ẽ punu nukahairaki. Ewẽ nuikĩ tsuã ea daewakĩ benimawatirubu hamẽ ẽ benakubainaii.

Salmos 69:9

Hanu miki nukuti hiwe betxipaikĩ ẽ shinã txakayamaii. Ha inũ, tsuabura mikiri hãtxa txakabukĩ ha ikĩ mia txiteaibu eã ẽ mia teneshũkubainaii.

Provérbios 11:2

Tsuara ibubis kẽbiamis hawara txakabu ashiã tashniaya dakeshanikiki. Hakia habu ibubis hawa keĩsbumarã, unanepaki.

Provérbios 13:5

Huni pepabũ txani hãtxa danãmisbuki. Hakia huni txakabubũ hawara atimapa akai uĩ hawẽ dakemisbuki.

Provérbios 18:2

Huni unaĩsmapatũ shinanã, ana hawara betsa tapĩkatsi ismaki. Haska hawẽ shinã ma haya unãkĩ haska besti hatu yuikatsis imisbuki.

Provérbios 18:4

Huni unanepatũ hãtxarã, hene nuahaira keskaki. Hanua hene bei tueai keskai hawẽ unanepa hãtxa itxapa mata hayaki.

Provérbios 22:10

Ẽhẽ iki yura betsabuki kashemisbu mae anua tsuãra mã hatu nitxĩshuna ha habe ha iki yupukunãmisbu maĩshãkanikiki, ana hãtxawẽ tsua detenameabumarã.

1 Pedro 4:14

Ha inũ, mã Cristokiri yusĩkubainaibuwẽ taeshũ haska abuama tsuabura matuki sinatai ha ikaibuwẽ taea mã ma Deusũ pepa haya hawẽ benimakubaĩkãwẽ, Deusũ Yushĩ Pepatũ matu merãshũ matu henebainama hawẽ kuxipa matu uĩmakubainikikirã.

1 Pedro 4:4

Hakia natiã ana ha haskaibube ana hatube ketashametã mã ana hatube betsa betsapai kemutapamakẽ mã hatube ikĩ hatu uĩmapauni habu matuki ẽ hẽ ikĩ matu yuãmisbuki.

1 Samuel 20:30

haskai Saulũ nĩkatã Jônataski sinatahairakĩ yuikĩ: —Mĩ ewa txakabuhairatũ bakerã, mĩ miaki. Jessé bake mĩ haibuhairawẽ taea mia inũ mĩ ewaki daketiruburã, eã ẽ unãma dabanẽ mĩ shinaĩ?