Provérbios 18:23 - Kaxinawá Bíblia (BR)

²³ Nuitapaibu hãtxa pewẽ ea ibiaibũ hakia huni mabuyabũ hatũ hãtxa kushipawẽ hatu kũyã akĩ kemamisbuki.

Provérbios 18:23 Referencias Cruzadas

Gênesis 42:30

txanikĩ: —Ha huni Egito shanẽ iburã, nukuki sinatai keskakĩ yuikĩ: “Mã unãtinã nikabuki”, nuku wa: “Nũ 12 huni bakebuki, huni bestitxaitũ nuku bawarã. Canaã anu nukũ betsa mashku hawẽ epabe hiweaki. Betsarã, ma nuku debuwanibuki”, nũ aka nuku ana yuikĩ: “Ẽ hãtxa nĩkakãwẽ. Haskawẽ taeshũ mã huni pepabu ẽ matu unãshanaii. Maturã, nenu bestitxai bashikuyukãwẽ. Hakia hatiritũ shekiwã bushũ matunabu buniaibu pimayutãkãwẽ. Hanua matũ betsa mashkurã, ea uĩmakĩ iwetãshãkãwẽ. Haskawẽ taeshũ mã huni pepabu unãti naisma ẽ matu unãshanaii. Mã ha iwei ana huaya matũ betsa ẽ hatu metaush amaima ẽ matu tashnimashũshanaii. Ẽ matu haska waya na mai pakea anu bea hawama mã nipakeshanaii”, nuku washiãki— akĩ hatũ ibu yuiabu

Gênesis 42:7

José hatu uĩkĩ hawẽ betsabu hatu unãbiakĩ unãma itsakĩ inũ habũ Hebreu hãtxa unãma itsariakĩ hatũ hãtxa mae wanikabetã Egito hãtxa bestiwẽ hatube hãtxakĩ sinatai keskakĩ hatu yukakĩ: —Maturã, hania mã bekãshumẽ?— hatu wa habũ kemakĩ: —Nukurã, nukũ mai pakea Canaã anua shekiwã binũ ika nũ mia anu hushuki— akabu

1 Reis 12:13

hanushũ anibu unanepabũ hãtxa danãkĩ hawa hatu nĩkama hãtxa kushipawẽ hatu kemakĩ

Jó 41:3

Hawẽ daewati hãtxawẽ hau mĩ hawẽ nuinũ tsatsakapetãwanẽ mia ea akĩ yukatiru mĩ shinaĩ?

Êxodo 5:2

hatũ hãtxa nĩkabiakĩ hawa hatu tapĩkatsis ikama Faraónẽ hatu yuikĩ: —Matũ mekenika Senhor Deus tsuamẽ? ha nĩkatã eã Israelĩ enabu ẽ nitxinunã. Ha matũ mekenika ẽ unãma inũ matunabu besi buaibu ẽ hatu nitxiãmahairaki— hatu wa

Provérbios 19:7

Tsuara hawa hayamawẽ taeshũ hawẽ betsabũ danaĩbũ txanima haskawẽ taeshũ hawẽ haibuaibũri henebaĩmisbuki.

Provérbios 22:7

Mabuyabu shanẽ ibukĩ habu nuitapaibu hatu yunukubaĩmisbuki. Tsuãra hatu pei biãyumisbũ habũ diriabu hatu dayamamisbuki, hawẽ tsuma keska watanã.

Isaías 66:2

Dasibi betsa betsaparã, eã besti dami wakĩ ẽ keyuniki. Haska wakĩ ẽ taewa hayai hiwenibuki. Eã hunibu uĩkĩ merabewakinã, habu keĩsbuma inũ hatũ txakabu henetã ẽ hãtxaki mesekĩ nĩkamisbu ẽ hatu amiski, ikĩ ea Senhor Deusũ ẽ hãtxa ẽ mestẽwaiĩ”, iniki.

Mateus 5:3

—Benimatirubukiri matu yuinũ nĩkakãwẽ. Tsuabura kẽkubaĩsbuma Deus shanẽ ibukĩ hatu duawashanaiwẽ taea benimapaketi xinaĩ benimakubaĩkanikiki, manairã.

Santiago 2:6

Matubunã, xinãkãwẽ, habuwẽ datekĩ mã haska hatukiri xinaĩnã. Ha yura mabuwãyãbu mã duawairã, habunã, matu itxakawamisbuki. Ha inũ, habiabũri matu atxishũ sharabaĩkĩ shanẽ ibubu matu inãmisbuki.

Rute 2:7

“Tsekaibu itxũ cevada meshkã niri ikai tupikĩ itxawakubaĩpa?” ikĩ ea yukashuki. Penama tupikĩ taewa huĩrukũwãmas eskarabes na hatiã huĩrukũ pishtatã ana dayakirani ikikiki— aka

1 Samuel 2:36

Minabu tesheni eskarabes hiweabũ hatũ piti binũ ika pei heshe bestitxai benai inũ misi ture besti binũ ika daya benai ebe hãtxashunika shanẽ ibu bena anu bushũ dãti itã yukashãkanikiki’ ”, akĩ Deusũ hãtxa yuishunikã Eli yuibaini kakẽ