Provérbios 18:1 - Kaxinawá Bíblia (BR)

¹ Tsuãra ibubis haska betxipaikĩ akatsis ikai hawenas besti shinaĩ huni betsã yusĩti hãtxa betxipaiama beshtekĩ danãkubaĩmisbuki.

Provérbios 18:1 Referencias Cruzadas

Êxodo 33:16

Mĩ nukube kama nukuwẽ mĩ nuiai ẽ unãtirumaki. Hakia mĩ nukube kai nukuwẽ mĩ nuiai ẽ unãtiruki. Nukube mĩ kaya ea inũ minaburã, nawa betsa betsapabu anua mina wakĩ mĩ nuku katunirã, dasibibu mai hirabi anushũ mikiri unãkubaĩshãkanikiki— aka

Provérbios 14:10

Huni tibitũ hatũ huĩtinĩ hawara bika teneai inũ haskai benimai hamesti shabakabi unãtiruki, tsua hawa unãmamarã.

Provérbios 17:14

Hene bai mata txakayamakĩ huni betsã bai atxi keyumisrã, txakabuki. Haska keskanũ ika tsuara ha iki taeaiburã, txakabuki. Hau pikuyamanũ ha iki taeaibu anua hawa yuiama hatu henebainarã, haska pehairaki.

Provérbios 20:19

Matxupa yuanãtũ ikaibu hawaira kaka pawabaũmisbuki, hawa hatu huneshunamarã. Haskabuberã, hatube ibunanãyamakubaĩkãwẽ.

Provérbios 20:3

Ha ikeakeaibu nĩkabiai hatube kemanameisbumarã, huni pepabuki. Hakia huni unaĩsmapatunã, txakabu teneabu hatũ hatu tuekĩ taewashũmiski.

Provérbios 3:21

Epaã, mĩ shinã pepa arutã haratura pepa inũ haratura txakabu unãti tapĩtã hawa hakimayamakũkaĩshãwẽ.

Provérbios 8:14

Txakabu unãti wanika inũ pepa unãti wanika kushiparã, ẽ ea bestiki. Ẽ unã keyuaiwẽ taeshũ bebũkiri hawara ẽ akatsis ikai yubakatã ẽ akubaĩmiski.

Mateus 13:11

nuku yuikĩ: —Maturã, haskai Deus shanẽ ibumiskiri Deusũ hawẽ pepa huneni shabakabi mã ẽ tsumabu matu yusĩkĩ unãmaikiki. Hakia haburã, ẽ hatu haska unãmamaki.

Mateus 13:44

ana miyui betsawẽ nuku yuikĩ: —Tsuãra huni betsã bai anu pei mirima arukĩ maiwani hune benamabia huni betsã pukĩshũ betxitã ibu wakatsi ikĩ hawaira ana habianuri atximatã benimahairakĩ pei hune bikatsis ikĩ hawẽ mabu dasibi peiwẽ taeshũ hatu inã keyutã hune yumetsukatsi ikama hawaira bai ibu anu kashũ hawẽ peiwẽ bai ibu watã ha pei maiwanibu bitiruki. Deus shanẽ ibuirã, pei mirima arunibu hunea keskaki.

Marcos 1:35

Hanua ushaxini ma penabiai mexuyukẽ Jesus butukaina mae dapi benãta Deusbe hãtxai ka habe hãtxaya

Marcos 4:11

Jesusũ hatu yuikĩ: —Maturã, haskai Deus shanẽ ibumiskiri Deusũ hawẽ pepa huneni shabakabi mã ẽ tsumabu matu yusĩkĩ unãmaikiki. Hakia habũ Deusũ hãtxa nĩka bestiaibu miyuiwẽs besti ẽ hatuki txanikũkainaii,

Romanos 1:1

Mã Jesus Cristo ikũwaĩbu Roma anuabu ẽ Paulo hawẽ tsumapã mã haskaramẽkaĩ? ishũ ẽ matu kene bumai uĩrakãwẽ. Hawẽ kakape ẽ txaniakeakeshanũ habistũ hawẽ kuxipaya ea wakĩ Deusũ ea meribi watã ea yununiki.

2 Coríntios 6:17

ikaya kene betsawẽ ana habias hãtxawẽ Deus Yavẽ yuikĩ: “Habũ ea danaĩbu anua kaĩbaĩkĩ henebaĩkĩ ana txakabu mei atimapayamakãwẽ. Mã haskakũkainaya matuwẽ benimakĩ ẽ matu beyawashanaii,

Judas 1:19

txanima na habiatiã ha yusĩnãnaĩ parananaĩ kashekenaĩbũ Deus xinãma ibubis hatũ kemuti xinã txibãkĩ ikũwaĩbu tari pashkakĩ Deusũ Yushĩuma wakĩ hatu akanikiki.