Provérbios 17:5 - Kaxinawá Bíblia (BR)

⁵ Hawa hayama nuitapaibuki kashekĩ Deusũ hatũ hatu dami wani sinatamamisbuki. Tsuara nuitapabiai txakabuwai benimakubaĩmisburã, hawẽ hatu kupishanai haska washũ binutirubumaki.

Provérbios 17:5 Referencias Cruzadas

Jó 31:29

Habu eki sinataibu txakabũ hatu atxia bika teneaibu hatu uĩ hatukiri shinã txakama ẽ hatuwẽ nui bestimiski.

Salmos 69:9

Hanu miki nukuti hiwe betxipaikĩ ẽ shinã txakayamaii. Ha inũ, tsuabura mikiri hãtxa txakabukĩ ha ikĩ mia txiteaibu eã ẽ mia teneshũkubainaii.

Provérbios 14:21

Hatu dapi hiweabu tsuãra merabewama danãkinã, Deusũ yusiã txibãma txakabuwaikiki. Hakia tsuara nuitapaibuwẽ nuikĩ merabewai benimakũkaĩmiski.

Provérbios 14:31

Tsuãra nuitapaibu bika tenemakĩ itxakawakinã, hatũ damiwani Deus danaĩ haki sinatamamisbuki. Hakia tsuara nuitapaibuwẽ nuikĩ hatũ damiwani Deus duawakĩ benimawakubaĩmisbuki.

Provérbios 16:5

Ibubis kẽkubaĩmisbu Senhor Deusũ betxipaiama hatu kupikinã, betsabu hawaira kupikĩ inũ betsabu manakubaĩkĩ hatu kupimiski, hatũ txakabu binumamarã.

Romanos 12:15

Ha inũ, tsuara huĩti benimai xinã txãkaĩbube habiaskariai hatuberi benimai xinã txãkãkubaĩkãwẽ. Ha inũ, tsuara bika teneai huĩti nixma punu nukakẽ habiaskari habetã xinãriakubaĩkãwẽ.

1 João 3:17

Hakia tsuara mabuhairayatũ ikũwaĩbu betsa nuitapai uĩbiai beru txãkãshũ hatu merabewama hawa inaĩsmarã, hawa Deusũ nui hayamaki.